Sheteldik sarapshylar ne deıdi?

Jaqynda VII Astana ekonomıkalyq forýmy aıasynda ótken «Memlekettik qyzmet personalyn basqarý: ahýaly men bolashaǵy» atty jahandyq konferensııasynda álemniń kóptegen sarapshylary  sóz alyp,  qazaqstandyq memlekettik qyzmet modelin joǵary baǵalady. Aýrelııa BÝShEZ, Eýropa odaǵynyń Qazaqstandaǵy ókildiginiń basshysy: – Qazaqstanda memlekettik qyzmettiń jańa modeli qoldanylýda. Bul negizgi úsh qaǵıdatqa súıenedi: qoǵam aldynda esep berý, ashyqtyq jáne merıtokratııa. Osy baǵytta kúrdeli jumystar atqarylyp, jetistikterge qol jetkizildi. Máselen, memlekettik qyzmet boıynsha aımaqtyq habtyń qurylǵanyn aıryqsha atap ótýge bolady. Qazaqstannyń aımaqtaǵy basqa memleketterge kórsetip otyrǵan úlgisi qundy. Bul ózge elderdiń memlekettik qyzmet salasyn jańǵyrtýǵa serpin beredi. Árıne, Eýropa odaǵy Qazaqstannyń memlekettik qyzmet salasyn jańǵyrtý boıynsha jetistikterin tolyq moıyndaı otyryp, oǵan odan ári qaraı qoldaý bildiredi. Chester NIýLAND, AQSh Memleketik qyzmet personaldy basqarý ofısi janyndaǵy basqarýshylar biliktiligin arttyrý federaldy ınstıtýtynyń burynǵy dırektory, Ońtústik Kalıfornııa ýnıversıtetiniń professory: – Qazirgi tańda Qazaqstannyń memlekettik qyzmet júıesi – álemdegi, onyń ishinde AQSh-ty qosa alǵanda, eń ozyq úlgilerdiń biri. Sebebi, saıası laýazymdaǵylar sany qysqartylyp, ákimshilik memlekettik qyzmetkerler sany arttyrylǵan. 70-jyldary AQSh saıası qyzmetshiler sanyn kóbeıtý jolyn ustanǵan bolatyn. Al bul máselede amerıkalyq úkimet belgili bir deńgeıde olqylyq jiberdi. Bizge kerisinshe sizderdiń memlekettik qyzmet júıesindegideı baǵytta jumys jasaý kerek edi. Manvel BADALIаN, Armenııa Respýblıkasy Azamattyq qyzmet keńesiniń tóraǵasy:  – Bizdiń sarapshylarymyz qazaqstandyqtarmen birge jumys isteıtin bolady. Armenııanyń memlekettik qyzmet salasy Qazaqstannyń tájirıbesi men kómeginiń arqasynda jetile túspek. Bizde áli qol jetkizbegen máseleler qyzyqtyryp otyr. Mysaly, Qazaqstan memlekettik qyzmetkerlerdi saralap, «A» korpýsy sııaqty memlekettik qyzmet deńgeılerin anyqtady. Bizdi memlekettik qyzmet salasyn jetildirý úshin kóptegen elderdiń tájirıbesimen tanystyq. Sonyń ishinde Qazaqstannyń úlgisi bizge óte jaqyn kórindi. Sondyqtan jańadan «velosıped» oılap tappaı-aq, qazaq úlgisin alýdy jón kórdik. Qazaqstan men Armenııanyń memlekettik qyzmet salasyndaǵy yntymaqtastyq áleýeti zor. Biz Qazaqstannyń osy saladaǵy zańnamalary, ádis-tásilderimen tanystyq. Bul úshin óz rızashylyǵymdy bildirgim keledi. Stefan HLAVAChEK, Avstrııa saýda palatasy Ekonomıkalyq damý ınstıtýtynyń eks-dı­rek­tory, basqarý jáne uıym­dastyrýdy damytý máseleleri boıynsha bas sarapshy: – Ásirese, memlekettik qyzmet boıynsha Astana aımaqtyq hab týraly ıdeıa óte jaqsy! О́ıtkeni, memlekettik qyzmetti reformalaý barysynda aqparat taratý, tájirıbe bólisý óte mańyzdy. Memlekettik qyzmetkerler arasynda kóbirek aqparat almasyp, únemi biliktilikterin arttyryp otyrý qajet. Al sol bilimderdi, aqparattardy bir jerden taratatyn ortalyqtyń bolýy óte qyzyqty. Toptamany daıyndaǵan Serik PIRNAZAR, «Egemen Qazaqstan».