TJM О́nerkásiptik qaýipsizdik komıtetiniń Pavlodar oblysy boıynsha departamenti málimetinshe, gaz shyǵýy saldarynan qazandyq ǵımaratynda gaz-aýa qospasy jarylǵan.
Jarylystan keıin qazandyq ǵımaraty jartylaı qulaǵan. Oqıǵa saldarynan qazandyqtyń eki qyzmetkeri - kompressorshy men gaz tasıtyn júrgizýshi zardap shekti.
«Qońyraý 16:27-de tústi. Oqıǵa ornyna jedel járdem jáne apattyq medısına ortalyǵynyń brıgadasy jiberildi», dep túsindirdi jedel járdem stansııasynyń baspasóz ortalyǵy ókilderi.
Kúıik shalǵan 43 jastaǵy er adam qalalyq aýrýhanaǵa jetkizildi, taǵy bir jábirlenýshi, dene jaraqatyn alǵan 59 jastaǵy er adam aýrýhanaǵa jatýdan bas tartqan.
