Semınar-keńestiń jumysyna Ortalyq saılaý komıssııasy tóraǵasynyń orynbasary Konstantın Petrov, Ortalyq saılaý komıssııasynyń múshesi Sabıla Mýstafına jáne Ortalyq saılaý komıssııasynyń birneshe múshesi qatysty. Konstantın Petrov bul jolǵy saılaý aralas júıe boıynsha ótetindigin eske saldy. Saıası partııalar da, kandıdattar da ókiletti organdardaǵy oryn úshin básekelesedi. Eń basty erekshelik, óńirlerde árbir daýys berýshi 5 bıýlleten alady. Ýchaskelik saılaý komıssııasynyń qyzmetkerleri árbir saılaýshyǵa ásirese, egde jastaǵy adamdarǵa qalaı daýys berýge bolatyndyǵyn táptishtep túsindirýleri kerek.
Spıkerdiń aıtýynsha, naýqan barynsha ashyq ótkiziledi. Saılaý qorlaryn qalyptastyrý jáne ol týraly aqparat qoljetimdi. Qazirgi naýqanǵa baqylaýshy retinde akkredıttelgen uıymdardyń ókilderine ruqsat etiletindigi jóninde norma engizildi. Osy shaqyrylymnan bastap saılaýshylar depýtatty keri qaıtaryp alý múmkindigine ıe bolady. Iаǵnı halyq saılaǵan depýtat saılaýaldy baǵdarlamasynda bergen ýádesin oryndamasa, ony halyq keri shaqyryp alýy múmkin. Saılaýshylardyń ózderi depýtatty keri shaqyryp alý boıynsha úsh satyly rásimge bastamashy bola alady. Prosedýra ońaı emes. Áıtse de túsinikti. О́ıtkeni halyq qalaýlysy jaýapkershilik júgin durys atqarýy kerek. Bul rette depýtat jumysynyń birinshi jáne sońǵy jylynda keri qaıtaryp alý kózdelmegen.
Ortalyq saılaý komıssııasy tóraǵasy orynbasarynyń aıtýynsha, saılaý komıssııalarynyń kásibı deńgeıi joǵary. Spıker 29 saılaý mandatyna majorıtarlyq negizde 435 kandıdat tirkelgendigin atap ótti. Demek bir orynǵa 15 adamnan keledi.
Semınardyń alǵashqy bóliminde qoıylǵan suraqtarǵa tushymdy jaýap berilse, ekinshi bólimde qatysýshylar saılaý naýqanyna qatysty barlyq suraqtardy jan-jaqty ózderi túsiný úshin iskerlik oıyn uıymdastyrdy.
Aqmola oblysy
