Tikeleı reıstiń ashylýy eki el arasyndaǵy saýda-ekonomıkalyq baılanystardyń keńeıýine septesedi.
«Qazaqstannyń áýe ákimshiligi, Qazaqstannyń Azamattyq avıasııa komıtetimen birlesip, Amerıkanyń Federaldyq áýe ákimshiliginiń standarttaryna sáıkes bizdiń búkil avıasııalyq ónerkásiptiń, demek áýe kompanııalardyń, áýejaılardyń Amerıka tarapynyń standarttaryna sáıkes keletinin dáleldeıtin tekseristerden ótýimiz kerek. Bul jumys qolǵa alyndy», dedi Qazaqstannyń AQSh-taǵy Tótenshe jáne ókiletti elshisi Erjan Ashyqbaev.
Elimizdegi eń iri ulttyq áýe kompanııasy AQSh-tan uzaq qashyqtyqqa ushatyn 3 Dreamliner ushaǵyn lızıngke satyp alý jónindegi kelisimge qol qoıǵan. Qazir Federaldyq avıasııa ákimshiliginiń sertıfıkattaý jumystary bastaldy.
О́tken jyly Prezıdent Qasym-Jomart Toqaev Úkimetke Qazaqstan men AQSh arasynda tez arada áýe qatynasyn ashý týraly tapsyrma bergenin atap ótý kerek.
