Ákimdik kásipkerlerdiń buǵan deıin ıgerilmegen jerine qosymsha jer telimderin berip kelgen. Máselen, bir kásipker jaǵajaıdan qonaq úı salý úshin aýmaǵy 1,5 gektar jer, artynsha taǵy 1,4 gektar jer alǵan. Keıin ony ózi ıgermegen kúıi basqa adamǵa satyp jibergen.
Mamandar osyǵan uqsas jaǵdaılar óte kóp kezdesetinin atap ótti. Tipti, bul iste sybaılas jemqorlyq táýekeli bolýy múmkin ekenin de joqqa shyǵarmady. Alaıda, Aqtaý qalasynyń ákimdigi buǵan qatysty eshqandaı málimdeme jasamady.
«Týrızmdi damytýǵa arnalǵan 21 jer telimi negizsiz satylǵany anyqtaldy. Qazirgi tańda Mańǵystaý oblysynyń jer resýrstaryn basqarý departamentine engizilgen usynymǵa sáıkes jalpy kólemi 43 gektardy quraıtyn jer telimin memleketke qaıtarý máselesi boıynsha sotqa talap-aryz berilip jatyr», dedi Mańǵystaý oblystyq sybaılas jemqorlyqqa qarsy is-qımyl departamenti basshysynyń mindetin atqarýshy Shamuraıt Shamenov.
