57 kılo salmaq dárejesinde baq synap júrgen Orazbek Asylqulov bul mejede Eýropa chempıonatynyń kúmis júldegeri, armenııalyq Artýr Bazaıanmen kúsh synasty. Taktıkalyq turǵydan qarasaq, óte saýatty judyryqtasqan qandasymyz qarsylasynan basym tústi. Aqtyq synda Orazbek Bolgarııanyń týy astynda óner kórsetetin kýbalyq boksshy Haver Ibanespen aıqasady. Kóp keshikpeı sharshy alańǵa 75 kılodaǵy Nurqanat Raıys kóterildi. Bul jekpe-jekte qandasymyzdyń jeńiske jetetinine kúmánimiz bolmady. Sebebi rıng qojaıyny Ramı Kıvan eresekter dýyna kúni keshe ǵana qosylǵan. Byltyr ol jastar arasyndaǵy qurlyq birinshiliginde ekinshi oryn ıelendi. Desek te bul kezdesýde Kıvannyń asyǵy alshysynan tústi.
Esterińizge sala keteıik, jartylaı fınalda O.Asylqulov 2021 jylǵy álem chempıonatynyń kúmis júldegeri, 2022 jylǵy Azııa chempıony Ábdimálik Halokovty utsa, N.Raıys Alahon Abdollaevtan aılasyn asyrdy. Bul boksshylardyń ekeýi de О́zbekstannan.
