Jergilikti aqparat quraldarynyń habarlaýynsha, marqumdardyń denesi jaǵaǵa shyǵarylǵan. Qutqarý jumystaryna jaǵalaý kúzetiniń kemeleri, shekara polısııasy men órt sóndirýshiler jumyldyryldy. Italııanyń órt sóndirý jáne qutqarý qyzmeti mıgranttar mingen qaıyqtyń Krotone provınsııasyndaǵy Stekkato dı Kýtro mańynda sýǵa batyp ketkenin, 40-qa jýyq adam aman qalǵanyn habarlady. Vedomstvo qutqarý jumystarynyń jalǵasyp jatqanyn aıtty.
Sondaı-aq teńiz jaǵasyndaǵy demalys ornynda jaǵaǵa 30-ǵa jýyq máıittiń shyǵyp qalǵany, sýdan taǵy úsh máıit tabylǵany jáne qaza tapqandar arasynda bala bar ekeni habarlandy. Basylymnyń habarlaýynsha, Iran, Pákistan jáne Aýǵanstannan kelgen mıgranttar mingen qaıyq daýyl kezinde jartasqa soǵylǵan.
