«Salam Air» 2023 jylǵy 1 shildeden bastap A–320neo jáne A-321neo tıpti áýe kemelerinde aptasyna 2 reıs (beısenbi jáne jeksenbi) jıiligimen Maskat-Almaty baǵyty boıynsha tikeleı turaqty reısterdi oryndaýdy bastaýdy josparlap otyr.
Qazaqstan men Oman arasynda áýe qatynasynyń ashylýy elder arasyndaǵy saýda-ekonomıkalyq, týrıstik jáne mádenı yntymaqtastyqty damytýǵa yqpal etedi.
«Salam Air» – Omannyń Maskat qalasynda ornalasqan omandyq tómen bıýdjettik avıatasymaldaýshy. Ushýdy 2016 jyly bastady.
Áýekompanııasy álemniń 20-ǵa jýyq eline (Chehııa, Bosnııa jáne Gersegovına, Sýdan, Saýd Arabııasy, Pákistan, Bangladesh, Nepal, Shrı-Lanka, Úndistan jáne t.b.) 30 baǵyt boıynsha halyqaralyq reısterdi oryndaıdy.
Áýekompanııasynyń parkinde 11 Airbus A320neo, A321neo ushaǵy bar.
