Atap aıtqanda, Qazaqstan Respýblıkasy boıynsha kedeılik shegi:
2023 jylǵy 1 qańtardan bastap – memlekettik ataýly áleýmettik kómek taǵaıyndaýǵa júgingen toqsanynyń aldyndaǵy toqsanǵa eseptelgen eń tómen kúnkóris deńgeıiniń 70 paıyzy mólsherinde;
2025 jylǵy 1 qańtardan bastap – memlekettik ataýly áleýmettik kómek taǵaıyndaýǵa júgingen toqsanynyń aldyndaǵy toqsanǵa eseptelgen eń tómen kúnkóris deńgeıiniń 50 paıyzy mólsherinde aıqyndalady. Elimizdegi kedeılik shegi 2017 jyldyń 1 qazanynan bastap eń tómen kúnkóris deńgeıiniń 50 paıyzy mólsherinde eseptelse, bul kórsetkish 2018 jylǵy 1 qańtardan 50 paıyzǵa, al 2019 jylǵy 1 sáýirden bastap 70 paıyzǵa kóterilgen bolatyn. Eńbek jáne halyqty áleýmettik qorǵaý mınıstri Áleýmettik kodeks jobasyna sáıkes, 2025 jyldan bastap kórsetkishti qaıtadan 50 paıyzǵa túsirýdi josparlap otyr. Qujat jobasy 15 naýryzǵa deıin qoǵam talqysyna usynylǵan.
