Dúnıejúzilik Azamattyq qorǵanys kúnin merekeleý aıasynda Astana qalasynyń TJ departamenti E.Rahmadıev atyndaǵy Memlekettik akademııalyq fılarmonııa ǵımaratynda saltanatty is-shara ótkizdi. Saltanatty ashylý rásimine QR TJM Azamattyq qorǵanys jáne áskerı bólimder komıteti tóraǵasynyń orynbasary Alekseı Sovetov, Astana qalasy TJD bastyǵy Qýanar Bazarbaev qatysty.
Elordanyń bas ımamy Erbolat Júsipov qyzmetkerlerdi merekemen quttyqtap, Túrkııadaǵy jer silkinisiniń saldaryn joıýǵa qatysqan elordalyq qutqarýshylarǵa alǵys bildirdi.
Tehnıka kórmesi men kórsetilimi, qutqarý jabdyqtary men tehnıkalaryn kórsetý, «AQ salasyndaǵy úzdik sýret», «AQ salasyndaǵydaǵy úzdik beınerolık», «AQ salasyndaǵydaǵy úzdik plakat», sondaı-aq «Dúnıejúzilik AQ kúnin ótkizýge belsendi qatysqany úshin» nomınasııalary boıynsha baıqaýǵa qatysýshy jeńimpazdardy marapattaý ótkizilip, is-shara konserttik baǵdarlamamen aıaqtaldy.
Azamattyq qorǵanys soǵys kezinde halyqty qorǵaýmen ǵana emes, sonymen birge nátıjesinde qarapaıym adamdar zardap shegýi múmkin tabıǵı jáne tehnogendik apattar kezinde jáne basqa da tótenshe jaǵdaılardan azamattardy qutqarýmen aınalysady. Sondaı-aq osy oqıǵalardyń saldaryn boldyrmaý jáne joıýmen ǵana emes, osyndaı jaǵdaıda ózin qalaı ustaý kerektigi týraly halyq arasynda túsindirý jumystaryn júrgizýmen de aınalysady. Máselen, 2023 jyly Departament bazasynda azamattyq qorǵaý salasynda qalanyń túrli uıymdarynan 128 tyńdaýshyǵa oqytý uıymdastyryldy, sondaı-aq qala nysandarynda 194 oqý-jattyǵý jáne sabaqtar ótkizildi.
Dúnıejúzilik Azamattyq qorǵanys kúnin merekeleý aıasynda Astana qalasynyń TJ departamenti halyqtyń (balalardyń) qaýipsizdik mádenıetin arttyrýǵa, azamattyq qorǵanys týraly bilimdi nasıhattaýǵa jáne azamattyq qorǵaý qyzmetteri oryndaıtyn mańyzdy mindetterge qoǵamnyń nazaryn aýdarýǵa baǵyttalǵan is-sharalar kesheni ótkiziledi. Qalanyń barlyq órt sóndirý bólimderinde órt sóndirý tehnıkasyn, jabdyqtary men jaraqtaryn kórsete otyryp «Ashyq esik kúni» uıymdastyryldy, sondaı-aq orta mektep oqýshylarynyń órt sóndirýshiler men qutqarýshylar murajaıyna barýy uıymdastyryldy. Elorda mektepterinde ashyq sabaqtar, flesh-mobtar, gazqaǵar kııý, zardap shekkenderdi tasymaldaý, alǵashqy medısınalyq kómek kórsetý, alǵashqy órt sóndirý quraldaryn paıdalaný jáne t.b. sııaqty sporttyq estafetalar uıymdastyryldy.
Qazirgi ýaqytta, kún saıyn ártúrli tabıǵı jáne tehnogendik oqıǵalar men tótenshe jaǵdaılardyń týyndaý qaýpi bolǵan kezde, mundaı is-sharalardy ótkizý óte ózekti. Bul halyqty belgili bir qıyn jaǵdaıda ózin-ózi ustaý erejelerine úıretýge, ómir qaýipsizdigi salasyndaǵy mamandardyń bilimi men daǵdylaryn tekserýge, kúshter men quraldardy qoldaný josparlaryn jáne olardyń tájirıbede tıimdiligin tekserýge, problemalyq máselelerdi anyqtaýǵa, jergilikti atqarýshy organdarmen birlesip, osy baǵyttyń damý úrderisterin talqylaýǵa múmkindik beredi. Dúnıejúzilik Azamattyq qorǵanys kúnin merekeleý jónindegi barlyq is-sharalar tótenshe jaǵdaı týyndaǵan kezdegi is-áreketter boıynsha halyqtyń habardarlyǵyn arttyrýǵa baǵyttalǵan.
