Elorda ákimi Jeńis Qasymbek jańa baǵdarlamalyq qujattardy, onyń ishinde qalany damytýdyń 2035 jylǵa deıingi bas josparyn, renovasııalaýdyń 2030 jylǵa deıingi baǵdarlamasyn jáne kógaldandyrýdyń biryńǵaı tujyrymdamasyn ázirleý týraly baıandady.
Sonymen qatar Astana qalasynyń ákimi jańa turǵyn úılerdi iske qosý boljamdary, úleskerlerdiń problemalaryn sheshý jónindegi sharalar, JEO-3 jáne gaz jylý stansııalaryn salý, aýyz sý óndirý úshin sorǵy-súzgi stansııasyn iske qosý, alty qosalqy elektr stansııasy men iri káriz-tazartý nysanyn jobalaý týraly habardar etti.
Elorda ákimi avtojoldardy salý jáne jóndeý (30 joba), Táýelsizdik dańǵyly boıyndaǵy Esil ózeni arqyly ótetin kópirde kólik qozǵalysyn iske qosý, avtobýs parkin jańartý (+400 avtobýs), LRT jobasyn iske asyrý, sondaı-aq «Jaıly mektep» ulttyq jobasy aıasynda jańa mektepter (24 mektep), basqa da medısınalyq jáne áleýmettik ınfraqurylym obektilerin ashý josparlary týraly aıtyp berdi.
Álıhan Smaıylov elordada turǵyn úı qurylysynyń joǵary qarqynyn saqtap, ozyq ınjenerlik ınfraqurylymmen qamtamasyz etýdiń mańyzyn atap ótti. Bul rette Úkimet basshysy qurylys salýshy kompanııalardyń bekitilgen normalar men jalpy zańnamany saqtaýyn baqylaýdy kúsheıtý qajettigine toqtaldy.
Premer-mınıstr Astanany kógaldandyrý sharalaryna basa kóńil bólip, jyl saıyn aǵash otyrǵyzý jumystarynyń qarqynyn arttyrý kerektigin aıtty.
Keńeste ınfraqurylymdyq jobalardy iske asyrý, energııamen, jylýmen, sýmen jáne gazben jabdyqtaýdy damytý, sondaı-aq zańsyz úıilgen qoqys polıgondaryn joıý týraly ındýstrııa jáne ınfraqurylymdyq damý mınıstri Marat Qarabaev, ekologııa jáne tabıǵı resýrstar mınıstri Zúlfııa Súleımenova jáne energetıka vıse-mınıstri Áset Maǵaýov baıandama jasady.
Talqylaýdy qorytyndylaı kele, Premer-mınıstr memlekettik organdarǵa óz baǵyttary boıynsha Memleket basshysy tapsyrǵan mindetterdi sapaly oryndaýdy tapsyrdy.
