M. Tileýberdi sońǵy jyly álem qaýipsiz bola bastaǵanyn atap ótti. Ýkraınadaǵy qaqtyǵys, orasan zor ıadrolyq arsenaldar, shıelenisken ıadrolyq rıtorıka jáne dıalogtyń bolmaýy álemdi qaýipti baǵytqa jeteleıdi.
Qazaqstan ıadrolyq qarýsyzdanýdyń senimdi jaqtaýshysy retinde jańa Strategııalyq shabýyl qarý-jaraqtaryn qysqartý sharty týraly máseleni 2026 jyldan keıin talqylaýdy qajet dep sanaıdy. Sonymen qatar ıadrolyq bes derjavanyń 2022 jylǵy qańtarda qabyldaǵan ıadrolyq soǵysqa jol bermeý týraly birlesken málimdemege berik beıildigin kórsetýi mańyzdy.
Mınıstr Qazaqstan ıadrolyq qarýǵa tyıym salý týraly shartty (IаQTSSh) dáıekti túrde qoldaıtynyn jáne IаQTSSh-ǵa qatysýshy memleketterdiń úshinshi konferensııasyna tóraǵalyq etetinin atap ótti.
Qatysýshylardyń nazary QR Prezıdenti Qasym-Jomart Toqaevtyń Bıologııalyq qaýipsizdik jónindegi halyqaralyq agenttik qurý týraly bastamasyna aýdaryldy. Bul agenttik Bıologııalyq jáne ýytty qarýlarǵa tyıym salý týraly konvensııanyń atqarýshy organy retinde áreket etip, damýshy elderdiń qajettilikterine erekshe nazar aýdara alady.
