Is-sharaǵa Indýstrııa jáne ınfraqurylymdyq damý vıse-mınıstri Dınara Sheglova, Turǵyn úı kommýnaldyq-sharýashylyǵyn jańǵyrtý men damytýdyń qazaqstandyq ortalyǵynyń, sondaı-aq Ádilet jáne Sıfrlyq damý, ınnovasııalar jáne aeroǵarysh ónerkásibi mınıstrlikteriniń ókilderi qatysty.
Atalǵan tyń tetikti oılap tapqan «Ýprav.dom» mobıldi qosymshasynyń ázirleýshileri aıtqandaı, endi elimizde múlik ıeleriniń birlestigin smartfondaǵy batyrmany basý arqyly tirkeýge bolady. Bul úshin joǵarydaǵy qosymshanyń kómegimen qajetti ótinishti onlaın túrde tapsyrsa jetkilikti. Turǵyn úıdiń ıeleri men jalǵa alýshylar sıfrly ID júıesi men elektrondy sıfrly qoltańba arqyly anyqtalady. Nátıjesinde MIB tirkep, onyń tóraǵasyn saılaý jónindegi qorytyndy málimet birneshe kúnde smartfonǵa jiberiledi.
«Osy is-shara MIB qurý kezeńderin sıfrlandyrýǵa arnalǵan qosymsha jaıly aqparatty halyqqa jetkizýge baǵyttalǵan. Daýys berýden bólek bul platformada turǵyn úıdiń basqa da máselelerin sheshýge septesetin qyzmetter de bar. Indýstrııa jáne ınfraqurylymdyq damý mınıstrligi atalǵan bastamany qoldaıdy. О́ıtkeni mundaı aqparattyq júıeler memlekettik derekter bazasymen ıntegrasııalanyp, tıisti rásimderdiń ashyqtyǵyn qamtamasyz etedi», dedi D.Sheglova.
О́z kezeginde «Ýprav.dom» jobasyn ázirleýshilerdiń biri Oljas Aqbaev jańa qyzmet túriniń aqparattyq qaýipsizdik talaptaryna tolyq saı keletinin jáne odan ótkenin kýálandyratyn attestattyń bar ekenin atap ótti.
«Atalǵan qyzmetti daıyndaýda qazaqstandyqtar úshin daýys berý men MIB-ti tirkeý prosesin barynsha jeńildetýdi kózdedik. Adamdar mundaı máselelerdi tez jáne ashyq túrde sheshý tıis. Sondaı-aq derbes derekter týraly zańnamaǵa sáıkes jeke málimetterdiń qupııalyǵyn saqtap, baqylaý servısi jolǵa qoıylǵan», dedi O.Aqbaev.
