Qyzmet sottan tys bankrottyq rásimin qoldaný jáne toqtatý týraly ótinish onlaın qabyldanady. eGov.kz portalynda jáne eGov Mobile qosymshasynda bankrottyqqa ótinishti boryshkerdiń ózi ǵana bere alady.
eGov.kz port️alynda jáne eGov mobile qosymshasynda ótinish bermes buryn qujattardyń tolyq paketin jınaý kerek. Qyzmetke ótinim berý úshin ekinshi deńgeıli bankterden qajetti rastamalardy alý qajet.
Sottan tys bankrottyqqa ótinish berý úshin:
- Bankrot dep taný týraly sottan tys aryz berý sharttarynyń saqtalýyn rastaý;
- nekede bolý jaǵdaıynda jarynyń JSN-in kórsetý;
- nesıeler bar qarjy ınstıtýttary týraly málimetterdi toltyrý;
- salyq organyn kórsetý jáne qujattardyń kóshirmelerin qosý;
- AÁK alýshy bolsa, belgi qoıý;
- eger mindettemelerdi oryndaý merzimi 5 jyldan astam bolsa, belgi qoıý;
- ótinishke bir rettik qupııa sóz nemese ESQ arqyly qol qoıý kerek;
Qyzmet nátıjesi 15 jumys kúni ishinde Jeke kabınette sheshimge silteme túrinde paıda bolady. Sheshimdi Qarjy mınıstrliginiń saıtynan qaraýǵa bolady. Sottan tys bankrottyq rásimi 6 aıǵa deıin sozylady.
