Kezdesý Qosylmaý qozǵalysynyń COVID-19-ǵa qarsy kúres boıynsha Baılanys tobynyń sammıti sheńberinde uıymdastyryldy.
О́tip jatqan sammıttiń kún tártibindegi pandemııaǵa jaýap jáne postkovıdtik kezeńdegi kooperasııa máselesi talqylaýdyń negizgi taqyryptarynyń biri boldy. Efıopııalyq tarap bul turǵyda, eń aldymen, Afrıka qurlyǵy úshin Qazaqstan Prezıdenti Qasym-Jomart Toqaevtyń Bıologııalyq qaýipsizdik jónindegi halyqaralyq agenttik qurý jónindegi bastamasynyń ózektiligin atap ótti.
Sonymen qatar taraptar saıası, ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń jaı-kúıi men perspektıvalaryn talqylady. О́zara saýdany damytý, ekijaqty is-sharalardy ótkizý, sondaı-aq kópjaqty qurylymdar sheńberinde birlesken jumys máselelerine erekshe nazar aýdaryldy.
Q. Tumysh Qazaqstannyń Afrıka odaǵynyń saıası ortalyǵy ornalasqan Efıopııamen jan-jaqty yntymaqtastyǵyn nyǵaıtýdyń mańyzdylyǵyn atap ótip, elimiz Addıs-Abebany Afrıka qurlyǵyndaǵy óziniń negizgi seriktesteriniń biri retinde qarastyratynyn aıtty.
Sondaı-aq efıopııalyq áriptesin bıylǵy 18-19 aqpanda Addıs-Abeba qalasynda Afrıka odaǵynyń 36-shy sammıtiniń sátti ótýimen quttyqtady. Sammıt qorytyndylary Afrıka elderiniń kontınenttegi beıbitshilik pen qaýipsizdikti qamtamasyz etý máselelerindegi birligin, sondaı-aq «Afrıka máselelerine arnalǵan afrıkalyq sheshimder» jáne «Qarýdy únsiz qaldyrý» qaǵıdattaryn júzege asyrýdaǵy progresti kórsetti.
Kezdesý nátıjesinde taraptar ózara qyzyǵýshylyq týdyratyn máseleler boıynsha ózara is-qımyldy jalǵastyrýǵa ýaǵdalasty.
Efıopııa – kontınenttiń 55 memleketi múshe Afrıka odaǵynyń shtab-páteri ornalasqan el.
Qazaqstan Efıopııamen 2011 jylǵy 5 qyrkúıekte dıplomatııalyq qarym-qatynas ornatty. 2014 jylǵy 23 jeltoqsannan bastap Efıopııadaǵy Qazaqstan elshiligi jumys isteıdi.
