Áýeli komandalyq sprıntte Denıs Mezensev, Mıhaıl Brovko, Mıhaıl Matrıýhın úshtigi Sibir federaldy okrýgynan keıingi 2-shi nátıje kórsetti. Bizdiń quramanyń kórsetkishi – 1:36.75 sekýnd. Jeńimpazdan 6 sekýnd qalyp ketti. Úzdik úshtikti Belarýs túıindedi.
Qyzdar arasyndaǵy sprıntte Qazaqstan quramasyna sál sáttilik jetispedi. Aızada Rymbek, Varvara Glýhova men Ekaterına Larıonova 4-satyǵa turaqtady.
Osydan keıin otandasymyz Varvara Glýhova mass-startta qarsylas shaq keltirmeı, halyqaralyq jarystaǵy alǵashqy altynyn moınyna taqty. Ol 6:11.61 sekýndta júgirip ótti. Kúmis medal Belarýs sportshysy Palına Seveske, qola reseılik Ekaterına Ostrovskaıaǵa buıyrdy.
Aıta keteıik, Varvara Kýbastaǵy oıyndarda jaqsy nátıje kórsetken Ulttyq qurama kóshbasshysy. Onyń qalǵan qashyqtyqtaǵy nátıjeleri mynandaı:
-500 metrde 5-oryn;
-1000 metrde 7-oryn;
-1500 metrde 9-oryn;
-3000 metrde 5-oryn;
-Komandalyq sprıntte 4-oryn;
-Mass-startta 1-oryn:
«Osyǵan deıin júldege sál qolym jetpeı keldi. Eń qysqa qashyqtyqta medal alyp, jarysty sátti bastaǵym kelgen. Biraq qarsylastarym menen myqty boldy. Baǵana komandalyq sprıntte 4-oryn alǵanda júldesiz qalǵanymyzǵa azdap ashýlandym. Mass-start bizdiń sońǵy jarysymyz edi. Sondyqtan barymdy saldym. Altynshy aınalymda aıaǵym tyrysa bastady. Soǵan qaramastan kósh bastap kele jatqan sportshydan qalmaı, bar kúshimdi sońǵy aınalymǵa saqtadym. Márege jaqyndaǵanda bári ózim oılaǵandaı boldy. Qazir qýanyshymda shek joq», dedi Varvara Glýhova.
Qazir Qazaqstan 3 altyn, 5 kúmis pen 5 qola medalmen jalpy esepte 4-orynǵa kóterildi. Aıta keteıik, Kýzbass aımaǵyndaǵy qysqy oıyndar erteń aıaqtalady.
