«Aldyn ala málimet boıynsha, 5 naýryzda saǵat 10:30-da Aqtóbe oblysy, Shalqar aýdany, Bershúgir temirjol stansııasynda manevrlik lokomotıvpen búıirlik soqtyǵysý saldarynan «Bishkek-Samara» qatynasymen júretin №317 jolaýshylar poıyzynyń teplovozy, №1 vagony jáne №2 jolaýshylar poıyzynyń úsh dońǵalaqty juby relsten shyǵyp ketti», dep habarlady QTJ baspasóz qyzmeti.
Oqıǵa ornyna Qazavıaqutqarý tikushaǵy ushyp shyǵyp, qutqarý bólimsheleri jiberildi jáne QTJ qalpyna keltirý poezdy jóneltildi.
Qolda bar aqparatqa sáıkes, poıyzda 200-den astam adam bolǵan (Qyrǵyzstan, RF jáne Qazaqstan azamattary, QTJ qyzmetkerleri). Olardyń eshqaısysy zardap shekken joq, qazirgi ýaqytta jolaýshylar poıyzdyń basqa vagondaryna ornalastyryldy.
TJM jáne óńirdiń TJD qyzmetkerlerinen turatyn jedel shtab quryldy.
Oqıǵanyń sebebin anyqtaýmen quzyretti organdar aınalysatyn bolady.
