Qolóner sheberi arnaıy úıirme ashyp, balalardy da ulttyq ónerge baýlıdy. Tórt túliktiń súıegi men múıizi sheberdiń qolyna túskennen keıin túrlenip shyǵa keledi. Soıylǵan maldyń súıekterin tastamaı, ony qaınatyp, óńdeýge ázirlep qoıýdy ádetke aınaldyrǵan. Qajetti pishini qalyptasqannan keıin lak jaǵyp, kózdiń jaýyn alardaı etip bezendiriledi,
«Pyshaqty alatyn bolsaq, onyń syrty eshkiniń múıizinen jasalǵan. Ártúrli buıymdarmen bezendirilgen. Oıý salynyp, endi ulttyq naqyshta bolǵannan keıin ártúrli oıýlar salynady. Myna taraqty biz aramen kesemiz, al myna sıyrdyń beınesi shyǵýy úshin egeýmen ysamyz», dedi oqýshy Aslan Orynǵalıev.
Bul kásipti Birlik atadan qalǵan mıras deıdi. Súıek pen aǵash oıyp, turmysta qoldaný – qazaq halqynyń ulttyq óneri. Qyzyǵýshylyǵy bar balalardy baýlyp, shákirt tárbıeleýdi borysh sanaıdy. Sondyqtan mektep baǵdarlamasynan tys úıirme ashyp, bilgenin úıretip júr.
«Qazir mektep úıirmesinde 20 oqýshy bar. Endi bári birdeı kele beredi dep aıta almaımyn. Biraq qyzyǵýshylyqtary bar. Súıekti óńdegen ýaqytta kishkene shydamdylyq kerek. Sheberlik kerek oǵan. Meıirimdilik kerek. Názik qoı súıekter. Sondyqtan oǵan ár ýaqytta shydamdylyq kerek», dep oıyn bildirdi kórkem eńbek pániniń muǵalimi Birlik Sultan.
