Premer-mınıstrdiń orynbasary aldymen oblystyq aýrýhanaǵa baryp, dárigerlermen kezdesti. Qostanaıda kópsalaly zamanaýı aýrýhana salý josparlanyp otyr. Qazir ǵımarattyń ornyn anyqtaý jumystary júrip jatyr. Munyń syrtynda, oblys ortalyǵynda jańa perınataldyq ortalyq boı kótermek.
Altaı Kólginov bul máseleni Densaýlyq saqtaý mınıstrligimen keńese otyryp sheshýdi tapsyrdy.
– О́ńirlerde 12 jańa perınataldyq ortalyq salý josparda tur. Ortalyqtyń qaı jerde boı kóteretinin jergilikti bılik belgilesin. Qosymsha usynystaryńyzdy Densaýlyq saqtaý mınıstrligimen birlese otyryp shesheıik. Biz tıisti qarajatty bólemiz, ol jaǵynan qam jemeńizder, dedi Altaı Kólginov.
Úkimet basshysynyń orynbasary odan keıin «Bereke» shaǵyn aýdanynda 2021 jyldan beri salynyp jatqan úsh qabatty mekteptiń qurylysymen tanysty. Mundaǵy qurylys jumystary bıyl mamyr aıynda aıaqtalýy tıis. Osy maqsatta Bilim berý ınfraqurylymyn qoldaý qorynan taǵy 1,3 mlrd teńge qarjy bólinedi.
Odan keıin A.Kólginov Qostanaı aýdanyna qarasty Jýkov aýylynyń turǵyndarymen kezdesti. Mundaǵy mektep ǵımaraty talapqa saı emes. Onyń ústine, aýyl halqynyń birazy orystildi bolǵanymen, sońǵy jyldary qazaq tilinde bilim beretin mektep ashylǵanyn qalaıtyn turǵyndar kóbeıip keledi. Olardyń aıtýynsha, mektep ǵımaraty eski. Ony kúrdeli jóndeýden ótkizgennen góri, jańadan salǵan durys.
A.Kólginov aýdan basshylaryna bul aýylda mektep salý úshin aldymen onyń jobalyq-smetalyq qujatyn daıyndaýdy tapsyryp, mekteptiń jobasyn ázirlegende, 100 orynnan kem bolmaýyn eskertti. О́ıtkeni oqýshy sany 100-den kem bolsa, zań júzinde mundaı shaǵyn mektepter memleket tarapynan qarjylandyrylmaıdy.
– Qujat daıyn bolǵan soń, biz birden qarjy bólemiz. Qostanaı óńirine jumys saparym barysynda oblys ortalyǵynan qaıtyp ketpeı, aýylǵa da at basyn buryp otyrmyn. Prezıdentimiz Qasym-Jomart Toqaevtyń taıaýda aýyldardy damytý týraly Jarlyqqa qol qoıǵanyn bilesizder. Eń birinshi kezekte aýyl turǵyndarynyń tabysy joǵary jumysy bolýy kerek. Osy maqsatta «Aýyl amanaty» baǵdarlamasyn qabyldadyq. Baǵdarlama aıasynda ózderińiz sııaqty aýyl turǵyndary jeke kásip ashyp, ony ári qaraı damytýǵa múmkindik alady, dedi Altaı Kólginov.
Premer-mınıstrdiń orynbasary óńirge jumys saparynyń sońynda Ybyraı Altynsarın kesenesine baryp, uly aǵartýshynyń rýhyna taǵzym etti.
Qostanaı oblysy
