Úkimette Shymkenttiń ınfraqurylymyn jańǵyrtý máselesi talqylandy

Keńeske qatysýshylar «Saıram» eldi mekeninde sýmen jabdyqtaý obektilerin, Almaty tas joly boıyndaǵy «Turan» magıstraldyq káriz kollektoryn salý jáne qalanyń kólik ınfraqurylymyn jańǵyrtý máselelerin talqylady. Máselen, osy jyldyń ózinde 11 shaqyrymnan astam avtojoldardy jóndeý jumystaryn júrgizý josparlanyp otyr.

Injenerlik ınfraqurylymdy jańartý boıynsha 2023 jyly uzyndyǵy 9 shaqyrym jylýmen jabdyqtaý jelileriniń ábden tozyǵy jetken jerlerin rekonstrýksııalaý bastalady. Budan basqa ákimdik Sportıvnyı shaǵyn aýdanyndaǵy qazandyqty rekonstrýksııalaýdy jáne jańa sorǵy stansııasynyń qurylysyn josparlap otyr.

Aldaǵy eki jylda kóp qabatty turǵyn úıler salý  boıynsha da qajetti sharalar qabyldanady. Olardyń qatarynda Bozaryq (1 640 páter) jáne Aqjaıyq (780 páter) shaǵyn aýdandary bar. Sonymen qatar osy jyldyń sońyna deıin «Otbasy banki» jelisi boıynsha tıimdi mólsherlememen kredıttik turǵyn úı berý jalǵasady, atap aıtqanda, jyl sońyna deıin 1 myńnan astam páter tapsyrylmaq.

Sondaı-aq keńeste «Qaınarbulaq» turǵyn alabyn gazben jabdyqtaý, «Juldyz», «Bozaryq» jáne «Tassaı» ındýstrııalyq aımaqtaryna ınfraqurylym júrgizý, MО́Z aınalasynda munaı shıkizatyn tereń óńdeý boıynsha óndirister qurý, ońtústik óńirlik hab qurý aıasynda saýda-logıstıkalyq ortalyqty keńeıtý, ınvestısııalyq jáne t.b. jobalardy iske asyrý úshin ÁKK jer ýchaskelerin berý tetigin jetildirý máseleleri qaraldy.

Baıandamashylardyń esepterin tyńdaı kele, Premer-mınıstr Shymkenttiń odan ári áleýmettik-ekonomıkalyq damýy úshin belgilengen josparlardy sapaly jáne ýaqytyly iske asyrýdyń mańyzyn atap ótti.