Bes baǵyt boıynsha ótken konkýrsqa dırektor, dırektor orynbasarlary, pedagogter, mektepke deıingi uıym tárbıeshileri men ádisker, mýzyka qyzmetkerleri, bilim berý pedagogteri, synyp jetekshileri, psıholog, logopedter, daryndy balalarmen jumys jasaıtyn óńirlik ortalyqtardyń ádiskerleri qatysty. Olar óz tájirıbesinde paıdalanatyn ushqyr ıdeıalardy usyndy.
«Festıvaldiń baǵyty kommýnıkatıvtik jáne basqa da quzyrettilik túrlerin damytý, utqyr bilim berý ortasynda tıimdi jumys isteý úshin basshylar men pedagogterdiń shyǵarmashylyq múmkindikterin ashý, oqytý ádistemesi men tehnologııalaryn jetildirý, tájirıbe almasý, muǵalim mamandyǵynyń mártebesin arttyrý, zamanaýı mekteptiń kadrlyq áleýetin qoldaý», deıdi «Daryn» respýblıkalyq ǵylymı-praktıkalyq ortalyǵynyń dırektory Ǵadjembek Tursynov.
Qazylar alqasynyń sheshimimen 95 pedagog jeńimpaz atandy. Júldegerler men erekshe jetistikteri úshin taǵy 56 pedagog marapattaldy.
