Osylaısha qazir zamanaýı medısına men memlekettik qoldaýdyń nátıjesinde sábıli bolýdyń múmkindigi keńeıdi. Bedeýliktiń túrli formalary bar naýqastar baǵdarlamaǵa ótinish bere alady.
Byltyr atalǵan baǵdarlama aıasynda 15 sábı dúnıege keldi. Aman-esen sábıin qolǵa alǵan baqytty analardyń biri – Juldyz esimdi qala turǵyny.
«Shańyraq kótergenimizge 8 jyl boldy. Turmys qurǵaly joldasym ekeýmiz bala súıýdi armandadyq. Bul baǵdarlama týraly emhanadaǵy óz dárigerimnen bildim. Mundaı mańyzdy sheshimdi qabyldaýyma dárigerdiń jan-jaqty túsindirýi men joldasymnyń qoldaýy sebep boldy. Názik jandylar bul sheshimdi jalǵyz qabyldaı almaıdy», deıdi pasıent.
EKU jasatý úshin ol 1-3 aı aralyǵynda turaqty medısınalyq tekseristen ótken. Ol kópten kútken tuńǵyshyn qańtardyń 10-i kúni aman-esen baýyryna aldy.
Búginde Astanada bedeýlik boıynsha 1 300-den astam áıel tirkeýde tur. Elordada áleýmettik baǵdarlamaǵa kvota negizinde qatysa alatyndardyń da sany jyl saıyn artyp keledi. Mysaly, 2019 jyly 74 kvota bólingen. Al 2021 jyly 487 jup MÁMS aıasynda EKU prosedýrasynan ótý múmkindigin alsa, 2022 jyly 518 erli-zaıypty baǵdarlamaǵa qatysqan. Bıyl bas shaharǵa 547 kvota bólindi.
