Astana áýejaıynyń áýe qaýipsizdigi qyzmetiniń tekserý bólimshesi basshysynyń orynbasary Abylaı Sargozov nelikten áýejaıdaǵy tekseris kezinde keı jolaýshydan aıaq kıimin sheshýdi talap etetinin túsindirdi. Áýejaı ókiliniń aıtýynsha, bul – qasaqana jasalatyn rásim emes, kerisinshe jolaýshylardyń qaýipsizdigi úshin qarastyrylǵan shara.
Qazaqstan áýe qaýipsizdigi qaǵıdalaryna sáıkes, reıs jolaýshylary jalpy sanynyń keminde 10 paıyzy muqııat tekserilýi tıis. Bulaı iriktep jáne kezdeısoq tekserý rásimderi ICAO halyqaralyq qaýipsizdik standarttarynda da qarastyrylǵan.
«Álemdegi barlyq áýejaı jolaýshylardyń 10 paıyzyn avtomatty jáne kezdeısoq túrde anyqtaıtyn randomaızer fýnksııasy bar doǵal metall detektorlarymen jabdyqtalǵan. Máselen, Astana áýejaıynda randomaızerler 2015 jyldan beri qoldanylyp keledi. Eger tekserý kezinde qurylǵy belgi berse, jolaýshy rentgen-teledıdar qondyrǵysy arqyly jeke tekserý úshin aıaq kıimin sheship (quramynda metall zattar bolmasa da), tekserýden ótýi kerek. Sonymen qatar tekserý qyzmetkerleri bul jolaýshynyń qol júgin muqııat tekserýge mindetti», dedi áýe qaýipsizdigi qyzmetiniń tekserý bólimshesi basshysynyń orynbasary Abylaı Sargozov.
