Bul týraly Ulttyq bank tóraǵasy Ǵalymjan Pirmatov Úkimet otyrysynda aıtty. Osylaısha, aılyq ınflıasııa qubylmaly bolyp tur jáne 5 jylda ortasha jyldyq mánnen asatyn deńgeıdi qurap otyr. Jyldyq mánde aqpan aıyndaǵy ınflıasııa 21,3%-ǵa jetti.
«Ulttyq Bank aqpan aıynda kezekti boljamdy raýndty aıaqtady. Jańa derekter men syrtqy jáne ishki faktorlardy eskere otyryp, ınflıasııa boljamy bıyl 9-12%-ǵa deıin, 2024 jyly 6-8%-ǵa deıin qaıta qaraldy, 2025 jyly ózgerissiz – 4-6% deńgeıinde saqtaldy», dedi Ǵalymjan Pirmatov.
Onyń sózinshe, geosaıası jaǵdaıdyń saldarynan jáne onyń belgisizdiginen, sonymen birge azyq-túliktiń álemdik baǵasynyń joǵary bolýynan syrtqy proınflıasııalyq faktorlar áli de saqtalyp otyr.
Bıyl 24 aqpanda Ulttyq bank bazalyq mólsherlemeni 16,75% deńgeıinde saqtaý týraly sheshim qabyldady.
Sondaı-aq Ǵalymjan Pirmatov 2023 jyldyń birinshi jartyjyldyǵynda bazalyq mólsherlemeni qazirgi máninde saqtaý ınflıasııany turaqtandyrýǵa yqpal etip, ony orta merzimdi perspektıvada targetteletin deńgeıge deıin birtindep tómendetýge kómektesetinin aıtty.
