Taldyqorǵandyq túıeshi Ulan Baızaqov ózi baptaıtyn Oısylqara tuqymyn minip kelip, nómiri 419 saılaý ýchaskesinde óz tańdaýyn jasady. Onyń bul erligine, halyq dán rıza boldy, dep habarlaıdy Egemen.kz.
Ulystyń uly kúni qarsańynda oryn alǵan saıası doda jetisýlyqtar úshin merekeniń basyndaı kórinedi. Qyzyqty hám qaýyrt kúnniń árbir sáti áserli. Túıeshimen qatar, bir top azamat án shyrqap, daýys berýge kelgen turǵyndardyń kóńil-kúıin kóterýde.
35 jastaǵy Ulan 15 jyldan beri túıe asyrap keledi. Bul onyń babadan daryǵan hobbıi. Onyń aıtýynsha túıeni asyraý ońaı is emes, al osyndaı bıik órkeshti tórt túlik maldyń ıesi bolý bir ǵanıbet.
Aptanyń demalys kúnderi ortalyq saıabaqtarǵa shyǵyp, túıemen balalardy serýendetedi. Kishkentaı búldirshinderge qýanysh syılaýǵa qumar. Túıeni jalǵa berý sebebi onyń jem shóbi ári dári-dármegi tym qymbat turady. Sondyqtan osyndaı shaǵyn kásippen aınalysady.
Jetisýda saılaý naýqany qyzý júrip jatyr. Oblys boıynsha saılaý ýchaskeleriniń sany 458. Olardyń barlyǵynda daýys berýge arnalǵan jáshikter bar, daýys berýge arnalǵan kabınalardyń qajetti sanymen, jıHazben, uıymdastyrý tehnıkasymen, keńse kerek-jaraqtarymen jabdyqtalǵan. 418 ýchaskede múgedektigi bar adamdarǵa arnalǵan buryshtar jabdyqtalǵan. Nashar kóretin saılaýshylarǵa arnalǵan aýdıomaterıaldar men trafaretter daıyndaldy.
Alty óńirde AITV juqtyrý deregi artty
Medısına • Búgin, 14:00
Qarjy mınıstri zeınetaqy jınaǵyn erte sheship almaýǵa keńes berdi
Qarjy • Búgin, 13:25
Prezıdent birqatar memlekettiń elshilerinen senim gramotalaryn qabyldady
Saıasat • Búgin, 13:20
Shymkentte eki polıseı para aldy degen kúdikke ilindi
Qoǵam • Búgin, 12:55
Astanada stýdentterge arnalǵan 5 jataqhana salynady
Elorda • Búgin, 12:42
Jýrnalısterge arnalǵan «Parasat» konkýrsy bastaldy
Qoǵam • Búgin, 12:30
Uqsas jańalyqtar
Onlaın 
