Sonymen qatar Erevan, Baký, Astrahan, Tbılısı qalalarynda saılaý ýchaskeleri ashyldy.
Buǵan deıin habarlaǵandaı, Qazaqstanda Májilis pen máslıhattar depýtattarynyń saılaýy bastaldy.
Saılaýshylar tiziminde 12 mıllıon 32 myń 550 adam bar.
Keıbir elderdegi ýaqyt beldeýine baılanysty daýys berý Qazaqstanǵa qaraǵanda erte bastaldy. Qazaqstannyń sheteldegi mekemeleri janynan 62 shet memlekette 77 saılaý ýchaskesi quryldy.
Astana ýaqyty boıynsha saǵat 05:00-de (jergilikti ýaqyt boıynsha 07:00-de) Beıjińdegi Qazaqstan Respýblıkasynyń Qytaı Halyq Respýblıkasyndaǵy Elshiliginde jáne Shanhaı jáne Gonkong qalalaryndaǵy Qazaqstan Respýblıkasynyń Bas konsýldyqtarynda saılaý ýchaskeleri quryldy.
Sondaı-aq qazaqstandyqtar Koreıada, Ombyda, Bishkek pen Delıde, Tashkent, Ashhabad, Islamabad jáne Dýshanbede daýys bere bastaǵany habarlandy.
