Taraptar Qazaqstan 2023 jyldan bastap qosylatyn «Ekonomıkalyq damý múddesindegi tıimdi basqarý» baǵdarlamasy sheńberinde yntymaqtastyqqa qyzyǵýshylyq tanytyp, ózara túsinistik týraly memorandýmǵa qol qoıdy.
«О́zara túsinistik týraly memorandýmǵa qol qoıý elderimiz arasyndaǵy strategııalyq áriptestik pen ózara is-qımyldy nyǵaıtýǵa qosymsha úles qosady. Búgin qol qoıylǵan kelisimniń máni – elimizde «Ekonomıkalyq damý múddesinde tıimdi basqarý» baǵdarlamasy sheńberinde ózara qoldaý kórsetý. Áriptestiktiń nátıjesi retinde taraptar búkil óńir boıynsha reformalardy júrgizýge kómektesetin baǵdarlamanyń bóligi retinde aıqyndaǵan ekonomıkalyq reformalardy tıimdi jáne ashyq júrgizý kútiledi», dedi Áset Erǵalıev.
Baǵdarlama elderdiń senimdi derekterdi jınaýdaǵy kúsh-jigerin, olardy saıasatty ázirleý men ekonomıkalyq reformalardy júzege asyrý, úkimet ishindegi úılestirý jáne azamattarmen ózara is-qımyldy jaqsartý úshin paıdalanýdy qoldaıdy.
Osyǵan baılanysty, Agenttiktiń Ulttyq statıstıka bıýrosy statıstıkalyq derekterdiń negizgi óndirýshisi retinde derekterdi paıdalaný boıynsha saýattylyqty arttyrýǵa járdemdesýdi josparlap otyr. Qazirgi ýaqytta bıýro ártúrli deńgeıde sheshim qabyldaý kezinde derekterdi tıimdirek paıdalanýdy ilgeriletýge arnalǵan «Data literacy» oqytý kýrsyn ázirledi.
«Biz derektermen jumys saýattylyǵyn arttyrýda úlken áleýetti kórip otyrmyz. «Ekonomıkalyq damý múddesinde tıimdi basqarý» baǵdarlamasy aıasynda yntymaqtasa otyryp, biz memlekettik qyzmetshiler arasynda da, qarapaıym azamattar arasynda da saýattylyqty arttyrýǵa járdemdesýdi josparlap otyrmyz. Biz bul bastamany búkil Ortalyq Azııa óńiri úshin quzyrettilik ortalyǵy retinde taratýdy usynamyz. Qazaqstan derektermen jumys isteý boıynsha bilim berý jobalarynyń haby bolady», dep atap ótti Ulttyq statıstıka bıýrosynyń basshysy Jandos Shaımardanov.
Kezdesý qorytyndysy boıynsha taraptar iskerlik suhbatqa rızashylyqtaryn bildirip, Qazaqstan Respýblıkasy men Ulybrıtanııa men Soltústik Irlandııa Birikken Koroldigi arasyndaǵy aldaǵy qarym-qatynastyń mańyzdylyǵyn atap ótti.
Aıta keteıik, «Data literacy» baǵdarlamasy statıstıkalyq saýattylyqty arttyrýǵa, qoldanbaly jáne beıimdelgen derekter negizinde sheshim qabyldaý mádenıetin (Data driven decision making) Qazaqstan úshin qoldanbaly jáne beıimdelgen keıster arqyly engizýge baǵyttalǵan.
Baǵdarlama halyq pen memlekettik organdar tarapynan derekterge suranysty arttyrýǵa múmkindik beredi, bul qabyldanatyn sheshimderdiń sapasyn arttyrýǵa áser etedi. Baǵdarlama qatysýshylardyń bilimi men qajettilikteriniń eń negizgi bilim deńgeıinen bastap eń ozyq derekter taldaýshylary men ǵalymdarǵa deıingi ártúrli deńgeılerine baǵyttalǵan.
Búgingi tańda Memlekettik qyzmet akademııasymen memlekettik organdarǵa jańadan kelip túsken barlyq qyzmetkerler úshin kýrsty engizý týraly kelisimge qol jetkizildi.
Ekonomıkalyq damý úshin tıimdi basqarý (EGED) bul – Dúnıejúzilik bank 2020-2025 jyldary Ortalyq Azııa elderinde (Qyrǵyzstan, Tájikstan jáne О́zbekstan) júzege asyratyn Ulybrıtanııa Syrtqy ister mınıstrliginiń (FCDO) baǵdarlamasy.
Baǵdarlamanyń negizgi maqsaty – Ortalyq Azııa elderindegi ekonomıkalyq saıasattyń tıimdiligin, eseptiligin jáne ashyqtyǵyn arttyrý.
