Beınerolık Ortalyq memlekettik kınofotoqujattar men dybys jazbalar arhıvinde saqtalǵan materıaldar negizinde jasalǵan.
Atap aıtqanda, «Qazaqfılm» kınostýdııasy túsirgen, rejısser S. Jarmuhamedovtiń «Qosh keldiń, Naýryz!» atty fılminen úzindi kórsetiledi. Onda qazaqtyń salt - dástúri men «Naýryz» merekesiniń shyǵý tarıhy týraly aıtylady. Túsirilim jumystary 1991 jyly Jambyl oblysy, Merki aýdanynda ótken. Budan bólek 1988 jyly О́skemendegi Naýryz toıy, 1989 jyly Almaty shet tilder ınstıtýty stýdentteriniń meıramdy atap ótýi jáne basqa da fotoqujattar engen.
«Ortalyq memlekettik kınofotoqujattar men dybys jazbalar arhıvinde qazaq halqynyń mádenıeti men tarıhynan syr shertetin kóptegen qujat saqtalady. Sonyń ishinde Naýryz meıramyn toılaý dástúrine qatysty da qundy materıaldar bar. Halqymyz jańarý men jaqsylyqtyń belgisine aınalǵan merekeni erekshe qýanyshpen qarsy alǵan. Samarqannyń kók tasy jibigen kúni aǵaıyn-týyspen kórisip, mol dastarhan jaıatyn bolǵan», dedi Arhıv isteri jáne qujattamalyq basqarý komıtetiniń tóraǵasy Qýat Borash.
