Sonymen atalǵan merekelik baıqaýda Juqpaly aýrýlar bólimi kımeshekpen ájeler bıin bılep, jandy daýysta án aıtyp, bas júldege ıe boldy. Aýrýhananyń bas dárigeri Jaıdar Áıtishev jeńimpazdarǵa baǵaly syılyqtar tapsyryp, ulttyq merekemen quttyqtady.
«Kóktemnen habar berip, jylýlyqtyń, tabıǵattyń toıy sanalatyn áz Naýryzdyń qazaq halqy úshin mańyzy zor. Bul kún jalpyulttyq birliktiń, tatýlyqtyń, jaqsylyq pen meıirimniń nyshany ispettes. Ulyq merekeni ulyqtaýǵa aýrýhana ujymy da atsalysyp jatyr. Aq halat kıgen abzal jandarǵa kımeshek te jarasatynyn kórdik. Myń-san jyldan beri jalǵasqan salt-dástúrlerimizge kýá boldyq. Naýryz-dodada oq boıy oza shaýyp, jeńimpaz atanǵan áriptesterimdi quttyqtaımyn», dedi bas dáriger J.Áıtishev.
Qyzmetkerler men aýrýhana emdelýshilerine naýryz kóje taratylyp, mol dastarqan jaıyldy.
Sondaı-aq ortalyq alańdaǵy merekelik jıynda atalǵan aýrýhana atynan aýdan turǵyndaryna naýryz kóje, palaý, túrli táttiler taratyldy.
