«Bolashaq» baǵdarlamasyna ótinim qabyldaý bastalady

№1. Kimder jeńildetilgen shartpen qatysa alady?

Injenerlik-tehnıkalyq qyzmetkerler jáne medısına mamandary magıstr dárejesin alý úshin konkýrsqa jeńildetilgen sharttarmen qatysady.

Olardyń merzimi 12 aıǵa deıingi tegin tildik daıyndyqtan ótip, stıpendııa taǵaıyndalǵannan keıin tizimnen ýnıversıtetti tańdaý múmkindigi bar.

№2. Qaı mamandar taǵylymdamadan óte alady?

«Bolashaq» baǵdarlamasy aıasynda mamandardyń mynadaı sanattary taǵylymdamadan óte alady:

• Injenerlik-tehnıkalyq qyzmetkerler;
• Memlekettik qyzmetshiler;
• Orta, tehnıkalyq jáne kásiptik bilim berý uıymdarynyń pedagogteri;
• Medısına qyzmetkerleri;
• Mádenıet, týrızm jáne sport qyzmetkerleri;
• BAQ qyzmetkerleri;
• Agroónerkásiptik keshen qyzmetkerleri.                          

  №3. Eńbekpen óteý merzimi qandaı?

  • Akademııalyq oqytý: Astana, Almaty jáne Shymkent qalalarynda – 5 jyl, óńirlerde – 3 jyl.
  • Taǵylymdama: Qazaqstannyń búkil óńirinde – 3 jyl. 

  №4. Stıpendııa mólsheri qandaı?

  Stıpendııa mólsheri elge jáne qalaǵa baılanysty ártúrli bolady.

  Stıpendııanyń:

  • eń joǵary mólsheri – 2200 AQSh dollary;
  • eń tómengisi – 800 AQSh dollary.