Ulttyq ekonomıka birinshi vıse-mınıstri Tımýr Jaqsylyqov «taza paraqtan» retteýdi engizýdi jáne bıznes sýbektilerin memlekettik baqylaý men qadaǵalaý júıesin avtomattandyrýdy iske asyrý barysy týraly baıandady.
Tıisti rásimderden ótkennen keıin túzetýlerdi Bıznesti júrgizý máseleleri jónindegi zań jobasyna engizý josparlanyp otyr.
О́tken jyldan bastap retteýshi memlekettik organdar zańǵa táýeldi aktilerge qoıylatyn talaptardy joıý jáne qaıta qaraý boıynsha belsendi túrde jumys júrgizýde. Ulttyq ekonomıka mınıstrligi apta saıyn monıtorıng júrgizedi.
Memleket basshysynyń básekege qabiletti shaǵyn jáne orta kásipkerlerdi anyqtaý úshin bazalyq ólshemsharttaryn engizý jónindegi tapsyrmalaryn oryndaý maqsatynda memlekettik qoldaý sharalaryn alýshylar úshin eńbekaqy qorynyń ósýi jáne salyq aýdarymdarynyń ulǵaıýy boıynsha qarsy mindettemeler engizildi.
Sondaı-aq keńeske qatysýshylar «Ulttyq qor – balalarǵa» jobasynyń iske asyrylý barysyn qarastyrdy. Qarjy mınıstrliginiń aqparatyna sáıkes jobany iske asyrý úshin zańnamalyq túzetýler ázirlenýde.
Sonymen qatar keńeste Ǵylym jáne joǵary bilim mınıstrliginiń «Keleshek» bilim berý jınaqtaý júıesin iske qosýdyń jańa tetigin engizý jónindegi usynystary qaraldy.
Keńes qorytyndysy boıynsha Erulan Jamaýbaev memlekettik organdarǵa birqatar tapsyrma berdi.
