Qazaqstan shahmat federasııasy atalǵan týrnırge qatysty barlyq máseleler FIDE men Úndistandaǵy týrnırdi uıymdastyrýshylardyń quzyrynda ekenin málimdedi.
- Federasııa óz tarapynan qazaqstandyq sportshylarǵa qoldaý bildirip, álemde áıelder arasyndaǵy shahmat týrnırleriniń uıymdastyrylý deńgeıi joǵarylaıdy dep úmittenedi. Sondaı-aq Qazaqstan shahmat federasııasy FIDE jáne barlyq múddeli taraptarmen atalǵan máseleni talqylaıdy. Bizdiń beldi shahmatshylar bul kelispeýshilikti júıeli sheship, óz talantymen jańa jeńisterge jetip, bizdi qýantady degen senimdemiz, - delingen federasııanyń resmı saıtynda jarııalanǵan habarlamada.
Eske sala keteıik, blısten eki dúrkin álem chempıony Bıbisara Asaýbaeva óziniń Instagram paraqshasynda Jansaıa Ábdimálikke qatysty synı pikir jazdy. Keıinirek FIDE prezıdenti Gran-prıge qatysýshylardan keshirim surady. Jansaıa Ábdimálik jarystan nege bas tartqanyn túsindirdi.
