Atalǵan ortalyqta júkti áıelderge ýltradybystyq jáne bıohımııalyq skrınıng júrgiziledi. Oǵan genetıkter men akýsher-gınekologter konsýltasııa beredi. Perınataldyq konsılıýmda uryqtyń damý patologııasy anyqtalǵan kezde bosaný tásili anyqtalady. Sondaı-aq ortalyqta uryqtyń anyqtalǵan patologııasyn rastaý úshin ýltradybystyq dıagnostıkanyń ekinshi deńgeıi bar.
Oblystyq densaýlyq saqtaý basqarmasy basshysynyń orynbasary Áıgerim Lebaeva bólimsheler ýltradybystyq jáne bıohımııalyq skrınıngti qamtıtyn biriktirilgen genetıkalyq skrınıng júrgizý úshin qajetti jabdyqtarmen jaraqtalǵanyn atap ótti.
«Ortalyqtyń negizgi baǵyty – týa bitken patologııalarmen kúresý, uryqtyń qalyptasýyna áser etetin jaǵymsyz faktorlardy joıý, týa bitken aqaýlar men hromosomalyq aýytqýlardy anyqtaý kezinde júktilikti uzartý máselesi, jańa týǵan nárestege qajetti medısınalyq kómekti ýaqtyly kórsetý. Genetıka bóliminde hromosomalyq aýytqýlarǵa perınataldyq bıohımııalyq skrınıng jáne tuqym qýalaıtyn metabolıkalyq aýrýlarǵa neonataldyq skrınıng júrgiziledi», dedi Á.Lebaeva.
Anyqtalǵan týa bitken patologııalarmen júktilikti odan ári júrgizý nemese toqtatý tásili týraly máselelerdi sheshý úshin uryq patologııasynyń sıpatyna baılanysty beıindi mamandardy tarta otyryp, kópbeıindi komıssııa uıymdastyryldy. Komıssııanyń otyrysynda otbasyna anyqtalǵan aýrýdyń barlyq saldary, júktilikti uzartý týraly sheshim qabyldaǵan kezde balanyń ómirine boljam jáne múgedektik dárejesi túsindiriledi.
Bolashaqta uryqty saqtaý ortalyǵynda uryqtyń ınvazıvtik prenataldyq dıagnostıkasyn júrgizý josparlanyp otyr. Bul – «Hromosomalyq patologııa» dıagnozynyń sońǵy kezeńi.
Jetisý oblysy
