Forým maqsaty – Elbasy strategııasyn júzege asyrýǵa atsalysý

О́tken sen­bi­de el­ordada «Qazaq­stan-2050» Jalpy­­ult­­tyq qozǵa­ly­sy­nyń  I forýmy ótti. Jıyn­­dy Pre­zı­dent Ákim­­shiligi Bas­shy­sy­nyń orynba­sary Baǵlan Maıly­baev quttyqtaý sózben ashty. Forýmǵa elimizdiń barlyq óńir­lerinen derlik túrli mamandyq ıelerinen quralǵan tórt júzden astam delegat qatysty. Onyń ishin­de forým spıkerleri retinde mem­lekettik organ, bıznes qury­lymdar jáne úkimettik emes uıymdar jetek­shileri men buqaralyq aqpa­rat quraldary ókilderi bar. Shara­nyń basty maqsaty el halqyn «Qa­zaqstan-2050» Strategııasyn júzege asyrýǵa jumyldyrý bolsa, forým barysynda atalǵan strategııanyń maqsat-mindetterin oryndaýǵa baǵyttalǵan qozǵalystyń túrli jobalary talqylandy. Sondaı-aq, «Qazaqstan-2050: álemdegi eń úzdik memlekettik basqarý júıesin qalaı qurý qajet?», «Qazaqstan-2050: álem­degi eń myqty ekonomıkany qalyptastyrý joly» syndy taqyryptar arqaý boldy. «Elbasynyń Máńgilik El ıdeıa­syn iske asyrýda ekonomıkany damytý qajet. Ol úshin zaýyt, fabrıkalar men ınvestısııalardan buryn kadrlar kerek. Bizde bul jaǵy tapshy. Zaýyt-fabrıkany salǵanmen, onda jumys isteıtin maman joqtyń qasy. Kóbine bizde gýmanıtarlyq mamandyqtarǵa barý kóp. Tehnıkalyq mamandar jetispeıdi. Onyń da deni joǵary bilimdiler. Al shyndyǵynda, bizge kásibı tehnıkalyq qyzmet jasaıtyn orta býyn mamandar kerek. Máselen, ındýstrııalyq-ınnovasııalyq jobalardy maqtanyshpen aıtamyz, alaıda sol jobalarǵa 15 paıyzdaı ǵana joǵary bilimdiler jetkilikti bolsa, qalǵandaryna, ıaǵnı jumystyń júrý úderisterine tehnıkalyq jumysshy mamandar kerek. Bul turǵyda bizde ne kadr­dy syrttan alyp kelý nemese ózimiz­de úıretý syndy eki múmkinshilik bar. Sol sebepten bizdiń qazirgi tańda qoıyp otyrǵan maqsatymyz – jastarǵa sapaly kásibı tehnıkalyq bilim berý men ony nası­hattaý, sonymen birge, osyndaı maman­dyq ıelerin jumysqa turǵyzý jáne sol arqyly ekonomıkamyzdy damytý. Qazirgi tańda «Serpin-2050» atty jobany qolǵa alýdamyz jáne bul turǵyda birneshe oblysty araladyq. Mundaǵy maqsat ta ózimizdiń jas­tarǵa qaı jerde qandaı oqý orny men qandaı granttar bar jáne ony qalaı ıgerý men jumysqa turyp, elge qalaı qyzmet jasaý kerektigi jóninde aıtamyz», – dedi forýmda sóz alǵan «О́rleý» AQ dırektorlar keńesiniń tóraǵasy Murat Ábenov. Jıynda, sondaı-aq, Memlekettik qyzmet isteri agenttiginiń tóraǵasy Álıhan Baımenov kadrlardy irikteý júıesiniń mańyzy týraly aıtty. «Eger óskeleń bala úıdegi úlkender­diń áńgimelerinen, jumysqa turý tájirıbesinen, jumysqa turý úshin birinshi kezekte ákesiniń, kókesiniń tanysyn izdeý kerek degendi estise, ol bala oqýǵa umtylmaı tamyr-tanysqa jaqyn júrý «aýrýyna» ushyrap, solardyń aıtqanymen júrsem boldy, solar bir jerge aparady dep senedi. Al eger ol irikteý kezinde shynynda da bilimine, biligine qarap iriktelip, sonan keıin onyń jalaqysy da biliminiń arqasynda otbasyn qamtamasyz etýge laıyqty bolatyndyǵyna múmkindigi baryn bilse, onda ol balalardyń boıynda bilimge degen qushtarlyqty týǵyzýǵa sebepker bolady», – dedi Á.Baımenov. «Táýelsizdigimizge 23 jyl tol­ǵaly otyr. О́zderińizge belgili, Qazaqstan egemen el boldy dep bizdiń barlyq kórshimiz birdeı atoılap, biz sekildi bórkin aspanǵa atqan joq. Keıbireýler ony májbúrlik retinde de qabyldady. Biraq bizdiń ultymyzda táýelsizdik kezinde jınaqtalǵan tájirıbe bolmady. Osy ótpeli kezeńde, árıne, táýelsizdiktiń alǵashqy kúninen bastap memleketimizdiń basynda Nursultan Ábishuly sekildi kóregen, saıası jigeri ómirlik tájirıbemen tolysqan, ómirdiń jan-jaqty tynysyn tereń túsinetin adamnyń bolǵany bizdiń ultymyzdyń baǵy dep esepteımin, – dep ári qaraı áńgimesin jalǵady. – Memlekettik basqarýdy damytqanda, árıne, birinshi kezekte qandaı reforma bolmasyn, basqarýdy joǵaltyp almaý kerek. Basqarýdy joǵaltyp alý ońaı, al ony qalpyna keltirý qıyn. Sondyqtan evolıýsııalyq jol bolý kerek. Máselen, ózderińiz kórgendegideı, keıbir memleketter osy baǵyttaǵy reformalarda tym alǵa ketip qalyp, qoǵam onyń sońynan úlgermeı jatsa, ishki qaıshylyq týyndaıdy da, saıa­sı mádenıeti jetilmegen ortada qıyndyqqa ushyraıdy». Osylaı degen agenttik tóraǵasy ótkenge sheginis jasap, oǵan óz tájirıbesinen naqty mysaldar keltirdi. Sonymen qatar, ol forýmǵa jınalǵan jurtshylyqtyń saladaǵy ózderin tolǵandyrǵan túrli saýaldaryna jaýap berdi. «Damý-2050» JShS dırektory Pazylbek Mustanov ta forýmǵa óz jobasymen kelipti. «Meniń jobam qazaq ınternetin teris ıdeo­logııalardan saqtaýdy jáne memlekettik ıdeologııany nasıhattaýdy qarastyrady. Halyqtyń pikirtalas alańy qazirgi tańda ınternet ekeni belgili. Gazet-jýrnal, televızııada pikirtalastar júrip jatqan joq dep aıtýǵa bolady. О́ıtkeni, onyń barlyǵy da baqylaýda. Osy baqylaýdan tys bolyp turǵan tek ınternet. Qazaqstannyń tutastyǵyn, aýmaqtyq tutastyǵyn, ulttyq qaýipsizdigin, konstıtýsııalyq qurylystaryn buzatyn syrttan san túrli aqparattar kirýde. Munyń barlyǵy da bizdiń halqymyzdyń sanasyn buzyp jatyr. Bul qandaı da bir jazalaý sharalary nemese tosqaýyl qoıý arqyly sheshile salatyn dúnıe emes, ony tek qarsy nasıhat arqyly aýyzdyqtaýǵa bolady dep oılaımyn», – dedi P.Mustanov. Batys Qazaqstan oblysynan kelgen delegat Ǵaısa Jumalıev Elbasynyń «Qazaqstan-2050» Stra­tegııasyn júzege asyrýda jasalyp jatqan búgingi jıynnyń ózderine úlken serpin bergenin jetkizdi. Sonymen birge, ol alda kele jatqan mereke – Astana kúnimen jınalǵan jurt pen qala halqyn quttyqtady. «Qazaqstan-2050» Jalpyulttyq qozǵalysyn qurý ıdeıasyn Mem­leket basshysy Nursultan Nazar­baev ilgeriletken bolatyn. О́tken jyldyń qarasha aıynda «Bolashaq» stıpendıattarynyń mereıtoılyq forýmynda sóılegen sózinde Elbasy: «Qazaqstan-2050» – bul bizdiń HHI ǵasyrdaǵy ulttyq ıdeıamyz, ol bizdiń halqymyz umtylǵan uly qundylyqtardy aıqyndaıdy. Men burynnan beri oıymda pisip-jetilgen bir ıdeıamen bóliskim keledi. «Bolashaq» negizinde «Qazaq­stan-2050» Jalpyulttyq qozǵa­lysyn qurýdy usynamyn», – degen-di. Prezıdent bastamasyn qoldaǵan yntaly top byltyr jeltoqsanda «Qazaqstan-2050» Jalpyulttyq qozǵalysynyń qurylǵany týraly jarııalady. Qozǵalystyń negizgi mindeti – elimizdiń Tuńǵysh Prezıdenti Nursultan Nazarbaevtyń «Qazaqstan-2050» Strategııasynda jazylǵan saıası baǵytyn qoldaý arqyly Qazaqstannyń álemniń eń damyǵan 30 eli qataryna enýin qamtamasyz etý. Bul maqsatta qozǵalys Strategııa aıasynan týyndaıtyn túrli baǵyttaǵy jobalardy júzege asyrady», – dedi sharanyń uıymdastyrýshylary. Túrli ıdeıalar men usynys-pikirlerdi ortaǵa salǵan bul qozǵa­­­­lystyń tuńǵysh forýmyn qory­tyn­dylaǵan «Qazaqstan-2050» Jalpy­ulttyq qozǵalysy keńesiniń tór­aǵasy Danat Jumın Elbasynyń salı­qaly saıasatyn júzege asyrý ba­rysynda qozǵalys júıeli ju­mys­tar atqara beretindigin tilge tıek etip, jıynǵa qatysqan barlyq delegattarǵa rızashylyǵyn jetkizdi. Ábdirahman QYDYRBEK, «Egemen Qazaqstan». Sýretti túsirgen Erlan OMAROV.