«Áleýmettik turǵydan osal toptaǵy azamattardy qoldaý – basty mindettiń biri. Qıyndyqqa tap bolǵan jandar esh kómeksiz qalmaýy kerek. Memlekettiń ádildigi men qoǵamnyń janashyrlyǵy osyndaıda kórinedi. Ásirese, ana men balany qorǵaýǵa aıryqsha kóńil bólinýge tıis», dedi Prezıdent.
Osy rette ol bıyl bala kútimine járdemaqy berý merzimi 1 jyldan 1,5 jylǵa uzartylǵanyn eske saldy. Turmysy tómen otbasyndaǵy 1 jastan 6 jasqa deıingi balalarǵa beriletin áleýmettik kómek qaıta qaraldy. Endi 100 myńnan astam bala bul kómekti aqshalaı alady.
«Kópbalaly otbasylarǵa da aıtarlyqtaı qoldaý kórsetilip jatyr. Jarty mıllıonnan astam otbasyna arnaıy járdemaqy tólenedi. Men byltyr «Ulttyq qor – balalarǵa» bastamasyn kóterdim. Qazir osy bastamany júzege asyrýǵa daıyndyq júrgizilip jatyr. Memleket muqtaj jandarǵa ataýly áleýmettik kómek kórsetýdi jalǵastyra beredi», dedi Q. Toqaev.
