Bıyl 1 sáýirde menshik quqyǵynda kólik quraldary bar jeke tulǵalardan 2022 jylǵa arnalǵan kólik quraldaryna salyq tóleý merzimi aıaqtalady.
«2021 jylmen salystyrǵanda kólik quraldarynyń sany 108 124 avtomobılge nemese tıisinshe 18 paıyzǵa, salyq bazasy 2,2 mıllıard teńgege ósken. Salyq tóleý merzimi ótkennen keıin kólik salyǵyn tólemegen adamdarǵa mynadaı sharalar qoldanylatynyn bilý mańyzdy: merzimi ótken árbir kún úshin qaıta qarjylandyrýdyń 1,25 eselengen mólsherinde ósimpul esepteý, salyq organdary májbúrlep óndirip alý maqsatynda sot oryndaýshylaryna «salyq buıryqtaryn» jiberedi, onyń negizinde múlikke jáne bank shottaryna tyıym salynady, shetelge shyǵýdy shekteý. Sonymen qatar qaryz somasynyń 25 paıyzyn quraıtyn sot shyǵyndary qarastyrylǵan», delingen habarlamada.
MKD ókilderi osy sharalardy boldyrmaý úshin tólem merzimi aıaqtalǵanǵa deıin jeke tulǵalardy kólik quraldaryna salynatyn salyqty tóleýge shaqyrdy.
Salyq somasyn e-Salyq Azamat mobıldi qosymshasyndaǵy kalkýlıatordyń kómegimen nemese Memlekettik kirister komıtetiniń ınternet-resýrsynda derbes esepteýge bolady www.kgd.kz, tolyǵyraq 1414/3 nómiri boıynsha.
