Nurbol Orazbaıuly 1976 jyly Qyzylqoǵa aýdanynyń Saǵyz aýylynda dúnıege kelgen.
Budan buryn da Atyraý qalalyq máslıhatynyń depýtaty bolyp saılanǵan. Buǵan deıin «Otbasy bank» AQ Atyraý oblystyq fılıalynyń dırektory bolyp jumys istegen.
Munaıly shahar máslıhatyna bir mandatty okýrgterden 25 depýtat saılanǵan. Depýtattardyń arasynda «Amanat», «Aqjol», «Baıtaq», «Amanat», «Aýyl», «Qazaqstan halyq partııasy» partııalarynyń ókilderi bar. Olar máslıhattyń bıýdjet, qarjy, ekonomıka jáne óńirlik damý máseleleri, ekologııa, tabıǵat paıdalaný jáne agrarlyq máseleler, áleýmettik jáne mádenı damý jáne zańdylyqty saqtaý, depýtattyq etıka, quqyq qorǵaý máseleleri jónindegi turaqty komıssııalarynyń quramyna endi.
«Bul komıssııalardyń tóraǵalyǵyna Qarshyǵa Jaýymbaev, Ilıas Qonysbaev, Aıjan Sársembaeva men Vadım Qulmaǵambetov saılandy. Turaqty komıssııalardyń otyrysynda turǵyndardyń problemalyq máselerge baılanysty ótinishteri men usynystary talqyǵa túsedi. Keıin qalalyq máslıhattyń sessııasynda qaralady», dep habarlady Atyraý qalalyq máslıhatynan.
