Qaıǵyly oqıǵa Madhıa-Pradesh shtatynyń Indor qalasynda bolǵan. Eden opyrylyp túsip, ǵıbadathana ishindegi adamdar satyly qudyqqa túsip ketken.
Satyly qudyqty jaýyp turǵan eden tek metall torǵa quıylǵan plıtkadan ǵana turatyny anyqtaldy.
Madhıa-Pradesh shtatynyń Ishki ister mınıstri Narottam Mıshra qaıǵyly oqıǵany tergeý bastalǵany, al qaza tapqandardyń otbasyna ótemaqy tólenetinin málimdedi.
Ǵıbadathanada beısenbi kúni bolǵan Ram Navamı ındýıstik festıvaline kóbinde áıelder men balalar qatysqan.
Polısııa álsiz eden adamdardyń salmaǵyn kótere almaı opyrylyp túskenin málimdedi. Olar qulaǵan sátte qudyqta shamamen 25 fýt (7,6 metr) sý bolǵan.
Jergilikti jedel qyzmet jumysshylary qudyqqa túsip ketkenderge jetý úshin arqan men baspaldaqtardy paıdalanǵan.
Oqıǵa bolǵan sátte ǵıbadathanada bolǵan áıelderdiń biriniń sózinshe, keı dinshilder qudyqqa qol jaıyp, duǵa qylǵan kúıi qulaǵan, olar ne isterin bilmegen. О́zi buryshta turǵandyqtan aman qalǵan.
Bılik ókilderi qutqarý jumysy jalǵasyp jatqanyn aıtty. Qazirgi ýaqytta 18 adam qutqaryldy, olardyń bári aýrýhanada jatyr.
The Times of India habarlaýynsha, Indora qalasy bıligi ǵıbadathanadaǵy edendi qańtarda alyp tastamaq bolǵanyn dáleldeıtin qujat bar. Sebebi ol kelýshilerge qaýip tóndirgen.
О́kinishke qaraı, olar jergilikti ındýısterdiń narazylyǵy saldarynan josparynan bas tartqan.
Osyǵan uqsas qaıǵyly jaǵdaı byltyr qarashada Úndistannyń batysyndaǵy Gýdjarat shtatynda boldy. Ol kezde Morbı ózeninde 135 adam qaıtys bolǵan edi.
