Eldi mekendi sý basý qaýpine baılanysty turǵyndar Qaratal aýyldyq mektebine aldyn ala kóshirilip, sý shaıǵan jaǵalaýdaǵy aýmaqty qalpyna keltirý sharalary júrgizildi. 17 naýryzda Oıyl aýdany ákimdiginiń qaýlysymen tabıǵı apatqa baılanysty jergilikti deńgeıdegi tótenshe jaǵdaı jarııalandy.
«Shuǵyl qolǵa alynǵan sharalardyń arqasynda sý deńgeıi tómendedi, evakýasııalanǵan adamdardyń sol kúni-aq úılerine oralýyna múmkindik týdy. Qazir sý tasqynynan bolǵan zalaldy baǵalaý jónindegi komıssııa úıler men aýla aýmaqtaryn tekserýdi jalǵastyryp jatyr. Birde-bir otbasy kómeksiz qalmaıtynyna sendirgim keledi», dedi oblys ákimi.
Aýyl turǵyndaryna qoldaý kórsetý maqsatynda Qaratalda komıssııa jumysy aıaqtalmaǵanyna qaramastan, 11 otbasyǵa 500 myń teńgelik sertıfıkattar tabys etildi. Komıssııa barlyq ǵımarat pen qurylysty teksergennen keıin keltirilgen shyǵyn kólemin sarapshylardyń qorytyndysyna sáıkes zardap shekkenderge tolyq ótep beredi.