Memleket basshysyna kompanııanyń mashına jasaý salasyn damytý, ınjenerlerdiń biliktiligin arttyrý jáne shetelden ınvestısııa tartý jumystary jóninde málimet berildi.
Prezıdentke búginde 6 myńnan astam otandasymyz eńbek etip jatqan óndiris oryndary men kompanııanyń perspektıvti jobalary týraly baıandaldy. Qostanaı qalasynda ońtústik koreıalyq Kia korporasııasymen birlesip, Kia avtomobılderin shyǵaratyn jańa zaýyttyń qurylysy bastalady.
Sonymen qatar Andreı Lavrentev bilim berý salasynda atqarylyp jatqan jumystar týraly aıtty. Kompanııa Qostanaı avtomobıl kóligi kolledjinde tehnıkalyq mamandyqtardy memlekettik tilde oqytatyn kýrs ashty. Stýdentterdi dýaldi oqytý jóninde oqý oryndarymen jumys júrgizilip jatyr. Sondaı-aq Allur joǵary ınjenerlik mektebi ashyldy.
Qasym-Jomart Toqaev kezdesýde otandyq mashına jasaý salasyn damytýdyń mańyzdylyǵyn, jergilikti ınjenerlerdiń jáne tehnıkalyq mamandardyń biliktiligin arttyrýdyń ózekti ekenin atap ótti.
