Bir ǵana qarapaıym mysal. Bizdiń partııanyń eki depýtaty elimizdiń úzdik kásiporyndarynda 10 myńnan asa jumys ornyn jasaqtady, úlken ujym qurdy. Eger Úkimetpen jumys durys jolǵa qoıylsa, taǵy qansha jumys orny qurylatynyn jáne eńbek jaǵdaıy jaqsaratynyn elestetip kórińizdershi. Bul tek sheshim qabyldaý jyldamdyǵy týraly ǵana emes, sonymen qatar depýtattar tarapynan baqylaý týraly pikirimiz.
Memleket basshysy árqashan yqpaldy Parlament pen esep beretin Úkimettiń rólin erekshe atap ótedi. Májilistiń ókilettigi zańdardy ázirleýmen shektelmeıdi, endi biz óz kezegimizde olardy qabyldaýmen de aınalysatyn bolamyz. Prezıdent óz sózinde bizge Májilis pen mınıstrler kabınetinen jańa serpin kútip turǵanyn jetkizdi. Biz mınıstrlerdi maquldaýdy nemese otstavkaǵa jiberýdi ǵana emes, búkil eldiń ıgiligi úshin birlesip jumys isteýdi aıtyp otyrmyz. Úkimet pen Májilistiń ózara is-qımyly josparlardy birlesip ázirleý, olardyń oryndalýyn baqylaý turǵysynan da ózgeshe bolýǵa tıis.
Prezıdent Qasym-Jomart Toqaev Parlamenttiń birinshi sessııasynda ózekti kún tártibin aıqyndap berdi. Endi bizdiń naqty mindetimiz – týyndaıtyn máselelerdi barynsha jedel sheshý, mınıstrler kabınetinen dál osylaı talap etý jáne halyq pen memlekettiń múddeleri árqashan birinshi orynǵa qoıylatynyna kóz jetkizý. Bizdiń partııa árqashan zań shyǵarý úderisin de, barlyq másele boıynsha bizdiń ustanymymyzdy da jedel jáne ashyq jarııalaıtynyn basa aıtamyn.
Dınara ShÚKIJANOVA,
«Respublisa» partııasynyń ókili
