29 naýryzda Qazaly aýdanyndaǵy №225 orta mekteptiń jıyrma bes oqýshysy tamaqtan ýlanyp, aýrýhanaǵa tústi.
Keıin mektep ashanasyndaǵy aspaz kómekshisinen stafılokokk bakterııasy tabylǵan.
«Oqýshylardyń ýlanýyna ne sebep bolǵanyn bildik. Aspazshynyń kómekshisinde stafılokokk bakterııasy bar ekeni anyqtaldy. Stafılokokk - tamaqtan ýlanýǵa ákeletin bakterııalardyń biri. Dál osyndaı bakterııa zardap shekken 14 baladan tabyldy», dedi oblystyq sanıtarlyq-epıdemıologııalyq baqylaý departamentiniń basshysy Álııa Ábdiqaıymova.
Oblystyq bilim basqarmasynyń baspasóz qyzmeti usynǵan aqparatqa sáıkes, mektep ashanasynyń aspazshysy men aspazshynyń kómekshisi jumystan bosatylyp, bilim mekemesiniń medısına qyzmetkeri jumystan shettetilgen.
«Bilim berý uıymynyń jaýapty tulǵalaryna qatysty tártiptik jaýapkershilikke tartý máselesi qarastyrylyp jatyr. Balalardyń jaǵdaıy turaqty», dedi bilim bóliminiń bas mamany Nurjan Jumanov.
