Qarjylyq monıtorıng agenttiginiń Pavlodar oblysy boıynsha departamenti habarlaǵandaı, uıymdastyrýshylar sengish azamattardy ınvestısııalaýǵa ıtermelep, salynǵan somanyń 70%-y aı saıyn passıvti tabys retinde qaıtarylatynyn aıtqan. Bul qarjy pıramıdasy ózin syrtqy ekonomıkalyq qyzmetpen aınalysatyn kompanııa retinde kórsetti.
Salymshylarmen «Upgrade-AS», «Holding AS», «XAS-Logistic», «light-AS» jáne basqa da kompanııalardyń atynan kelisim-sharttar jasaldy.
Salymshylar úshin mindetti sharttardyń biri 180 000 teńgege Qytaıdan ákelingen turmystyq taýarlardy satyp alý boldy.
Bul rette salymshylar aldynda jumysynyń kórinisin jasaý úshin alynǵan aqshanyń bir bóligi salymshylarǵa syıaqy retinde baǵyttalǵan. Alaıda salymshylar alǵan syıaqysyn pıramıdaǵa qaıta salyp otyrǵan.
Uıymdastyrýshylar áleýmettik jelilerde jalǵan aksııa uıymdastyryp, Astana men Qosshyda kópqabatty úıler salǵanyn kórsetken, ol úshin qurylys dekorasııasy jasalyp, arnaıy tehnıka jaldandy.
Osylaısha, paıdaǵa kenelgen alaıaqtar birqatar jyljymaly jáne jyljymaıtyn múlik (jer telimderi, páterler, avtokólikter) satyp alyp, olardy jaqyn týystarynyń atyna rásimdegen.
Atalǵan qylmysty jasady degen kúdikpen qarjy pıramıdasyn uıymdastyrýshy ustalyp, ýaqytsha ustaý ızolıatoryna qamaldy, oǵan qatysty sottyń sanksııasymen «qamaý» bultartpaý sharasy tańdaldy.
