«Qazaqstan – sheteldik BAQ kózimen»

atty halyqaralyq báıgeniń qorytyndylary shyǵaryldy Qazaqstan Syrtqy ister mınıstrligi men Qazaqstan jýrnalıster odaǵy «Qazaqstan – sheteldik BAQ kózimen» atty halyqaralyq báıgeniń qorytyndylaryn shyǵardy, dep habarlady QR SIM-iniń baspasóz qyzmeti. Báıge zamanaýı Qazaqstannyń ekonomıkasy, mádenıeti, óneri men kópjaqtylyǵy jóninde sheteldik BAQ-tardyń sapaly, obektıvti mate­rıaldaryn alý maqsatynda, sonymen qatar, osy taqyryptar aıasynda aıtarlyqtaı jarqyn reportaj, ocherk jáne saraptamalyq-taldaý ma­terıaldardyń avtorlaryn yntalandyrý maqsatynda 2014 jylǵy 1 sáýir men 15 maýsym aralyǵynda ótkizildi. Geografııalyq turǵydan báıge Ońtústik jáne Soltústik Amerıka, Eýropa, Azııa, Taıaý Shyǵys jáne TMD elderiniń jýrnalısterin qamtydy. «Eır Astana» jáne «Rixos Almaty» qonaq úıi báıgege demeýshilik etti. Báıge erejelerine sáıkes joǵaryda atalǵan aımaqtardan bir-bireýden bes jeńimpaz anyqtalyp, olarǵa júlde retinde Almaty, Astana nemese Býrabaıǵa sapar uıymdastyrylatyn bolady. Báıge jeńimpazdaryna ushyp kelý/ketý, turatyn oryn, mádenı baǵdarlama, resmı tulǵalarmen, ǵalym­darmen, sarapshylarmen jáne jýrnalıstermen kezdesýler uıym­dastyrý qarastyrylǵan. Syrtqy ister mınıstri Erlan Ydyrysov, Qazaqstan jýrnalıs­ter odaǵynyń basqarma tóraǵasy Seıitqazy Mataev, «Rixos Almaty» qonaq úıiniń bas menedjeri Ibragım Chelıkt jáne «Eır Astana» AQ-tyń qoǵammen baılanys jónindegi vıse-prezıdenti Bella Tormyshevadan quralǵan báıge komıssııasy 23 elden kelip túsken 42 jumysty baǵalady. Amerıka elderinen jeńimpaz bolyp ár túrli elderden bola tura birin biri tapqan adamdardyń taǵdyry týraly áserli maqala jazǵan, sonymen qosa, Qazaqstan men Gaıanyń keıbir dástúrleriniń, ásirese, ulttyq ashanalarynyń uqsastyǵyn saıtta (www.kaieteurnewsonline.com) sıpattaı bilgen Gaıananyń jýrnalısi Nıl Marks (Neil Marks) anyqtaldy. Eýropadan jeńimpaz retinde Qazaqstandaǵy qaıta jańartylatyn energııa kózderiniń damý bolashaǵy men Astanada ótetin EKSPO-2017 halyqaralyq mamandandyrylǵan kórmesi týraly Brussels Diplomatic (www.brusselsdiplomatic.com) basylymynda maqala jazǵan belgııalyq jýrnalıst Sıbıl Greındl (Sibylle Greindl) anyqtaldy. Sonymen qatar, alqa músheleri Astana men Almaty jóninde, halal-ındýstrııa, ǵylym jáne Qazaqstannyń ulttyq dástúrleriniń erekshelikteri týraly Bernama (www.bernama.com) aqparat agenttiginiń portalynda bir­qatar maqalalary úshin Azııa aıma­ǵynan malaızııalyq jýrnalıst Nýr­shazlın Nýrazmandy (Norshazlina Nor’azman) jeńimpaz dep tanydy. Taıaý Shyǵys elderinen eń jaqsy basylym retinde tańdaý katarlyq jýrnalıst Hýseın Ahmadqa (Hussain Ahmad) The Peninsula Daily (www.thepeninsulaqatar.com) gazetindegi maqalasy úshin tústi. Ol Qazaqstannyń saıası jáne ekonomıkalyq damýy, elimizdiń aımaqtaǵy róli, Eýrazııalyq ekono­mıkalyq odaq qurý men onyń bola­shaǵy jaıly maqalalarymen kózge ilindi. TMD jáne taıaý ornalasqan shetel elderinen qazylar alqasy ýkraınalyq Svetlana Ostrovskaıany onyń Wellness (www.wellness.org.ua) jýrnalyndaǵy «Dala ertegisi» atty Qazaqstannyń mádenı-rýhanı murasy men el damýynyń qazirgi zamanaýı úrdisteri týraly kórkem reportajy úshin tańdady.