Jetisý oblysy boıynsha Memlekettik kirister departamenti «Nur joly» keden beketinde jeke tulǵalardyń qolma-qol shetel valıýtasyn deklarasııalamaý faktilerin anyqtaý boıynsha turaqty jumys júrgizip jatyr.
«Nur joly» keden beketiniń qyzmetkerleri qorǵanys kesheniniń shekaralyq baqylaý qyzmetkerlerimen birlesip, Qazaqstan Respýblıkasynan Qytaı Halyq Respýblıkasyna shyǵýdyń ákimshilik zalynda 15 kún ishinde shetel valıýtasyn tasymaldaýǵa tyrysýdyń 5 faktisin anyqtady.
Qytaı Halyq Respýblıkasynyń azamatynan 16 naýryzda 10 000 AQSh dollary, 1100 ıýan jáne 73,5 myń teńge somasynda deklarasııalanbaǵan qarajat anyqtaldy.
Sol sııaqty, 18 naýryz kúni Tájikstan azamaty 11 875 AQSh dollaryn, al 25 naýryz kúni Qytaı Respýblıkasynyń azamattary 5 mln teńge, 416 ıýan jáne 1,7 mln teńge jáne 14 500 AQSh dollaryn deklarasııalamaǵany anyqtaldy.
Sáýirdiń basynda Qytaı azamaty 15 500 AQSh dollaryn deklarasııalamaı alyp ótpek boldy.
Barlyq faktiler boıynsha ákimshilik materıaldar toltyryldy.
«Jetisý oblysy boıynsha memlekettik kirister departamenti Qazaqstan Respýblıkasy Prezıdentiniń 2022 jylǵy 14 naýryzdaǵy №830 jarlyǵyna sáıkes, Qazaqstan Respýblıkasynyń Ulttyq Banki áketý kúnine belgilengen baǵam boıynsha eseptelgen jáne 10 000 (on myń) AQSh dollary balamasynan asatyn somadaǵy qolma-qol shetel valıýtasyn jáne (nemese) shetel valıýtasyndaǵy aqsha quraldaryn áketýge tyıym salynǵan eske salady», delingen habarlamada.
