Kezdesýde mınıstr Qazaqstanda «Ashyq aspan» rejımi engizilip, ushý geografııasy keńeıip kele jatqanyn jetkizdi. Jospar boıynsha, 2025 jylǵa deıin Tokıo, Sıngapýr, Shanhaı jáne Nıý-Iork baǵyttaryna reıster ashylýǵa tıis.
Sonymen qatar kezdesýde 2022 jyly Qazaqstan avıakompanııalary 11 mıllıonǵa jýyq jolaýshy tasymaldap, pandemııaǵa deıingi kórsetkishke qol jetkizgeni belgili boldy.
Budan bólek mınıstr Prezıdentke kólik ınfraqurylymynyń damýy, ken oryndaryna júrgizilgen tekserý jumystarynyń qorytyndysy, joldardyń sapasyn jaqsartý, halyqty turǵyn úımen qamtamasyz etý máseleleri jóninde aqparat berdi.
Qasym-Jomart Toqaev mınıstrge orta bıznesti damytý jáne shıkizat sektoryna, taý-ken ónerkásibi men geologııalyq barlaý salalaryna ınvestısııa tartý jumystaryn kúsheıtýdi tapsyrdy. Sondaı-aq jol boıyndaǵy, sondaı-aq áleýmettik, ınjenerlik jáne kommýnaldyq ınfraqurylymdardy jańǵyrtýǵa erekshe nazar aýdarýdy, óndiristegi otandyq úlesti arttyrý jumysyn kúsheıtýdi jáne Qala qurylysy kodeksin ázirleýdi jedeldetýdi talap etti.
