Mobıldi qosymshalardyń tıimdiligin dáleldedi

Ýnıversıtet qarjylandyrǵan «Bolashaq geografııa muǵalim­deriniń týrıstik-ólketaný quzy­retin qalyptastyrýdyń qury­lymdyq modelin jasaý arqyly ólketanýdy uıymdastyrý» jobasy aıasynda iOS, Microsoft Windows, Mac OS X (iTunes) opera­sııalyq júıeleri men App Store jáne Google Play plat­for­malaryndaǵy mobıldi geo­grafııalyq aqparattyq júıe qosym­shalaryna zertteý júrgi­zilgen. E.Isaqov bastaǵan zertteý toby (Sh.Laıshanov jáne N.Úse­nov) týrıstik-ólketaný sala­syndaǵy jumystardy uıymdas­tyrý men júrgizýde paıdalanýǵa bolatyn Google Play-den 250-ge jýyq jáne App Store-dan 150-ge jýyq qosymshany anyqtaǵan.

Zertteý toby smartfonǵa júk­­­teýge bolatyn mobıldi geo­­gra­­fııalyq aqparattyq júıe qo­symshalarynyń fýnksıo­naldyǵy men artyq­shy­lyqtaryn bes topqa jik­tep, bo­lashaq geografııa muǵalim­de­riniń týrıstik-ólketaný quzyret­tiligin qalyp­tastyrýdyń mode­lin jasaqtady. Sondaı-aq týrıs­tik-ólketaný is-áreketterin uıym­dastyrý jáne júrgizý úshin oqý baǵdarlamasyn jáne oqytý tehnologııasyn ázir­lep, tıimdiligin dáleldep shyqty.

Joba aıasynda E.Isaqov Ystanbuldaǵy (Túrkııa) «Ri­mar Academy» men Majarstan aýyl sharýashylyǵy jáne jara­ty­­lystaný ǵylymdary ýnı­ver­sıtetiniń «Turaqty týrızm» depar­tamentinde bolyp zertteý tá­jirıbesin júrgizdi. Sonymen qatar zertteý nátıjeleri Scopus bazasynda ındeksteletin Geojournal of Tourism and Geosites (69-pro­sentıl) jýrnalynda jáne tıis­ti mınıstrliktiń Ǵylym jáne jo­ǵary bilim salasyndaǵy sapa­ny qamtamasyz etý komıteti usyn­ǵan basylymda jarııalandy.

ALMATY