Taktıkalyq jattyǵýdyń jaı-japsary

Oqý-jattyǵýdyń belsendi ke­­zeńin Qorǵanys mınıstri, ge­neral-polkovnık Rýslan Jaq­sy­lyq­ov, Jetisý oblysynyń ákimi Beı­bit Isabaev, Ulttyq ulannyń bas­ qolbasshysy general-maıor Er­kin Botaqanov jáne ózge de kúsh­t­ik qurylymdardyń ókilderi baqy­lady.

Jattyǵýǵa Desanttyq-sha­býyl­daý áskerleriniń qura­ma­lary, Ulttyq ulannyń, Ult­tyq­ qaýipsizdik komıteti Sheka­ra­ qyzmetiniń, Tótenshe jaǵ­daı­lar mınıstrliginiń áskerı bólim­deri men bólimsheleri, quqyq­ qorǵaý jáne jergilikti atqa­rý­shy organdar tartyldy. Bólimsheler jaýyngerlik maq­sattaǵy aýdandarǵa joryq jasap­, búrkemeleý, áskerler me­n basqarý pýnktteriniń tózim­di­ligin arttyrý máselelerin pysyq­tady. Belsendi kezeńde eldi mekendi bosatý boıynsha oqý-jaýyngerlik is-qımyldar júrgizildi. Oqý-jattyǵý josparyna sáıkes Shekara qyzmetiniń áskerı qyzmetshileri shekara ýchaskeleriniń birinen qarýly adamdar tobyn baıqaıdy. Utqyr toptar shartty shekara­ buzýshylardyń bir bóli­gin­ quryqtaıdy. Bul kezde qal­ǵan­da­ry jaqyn mańdaǵy eldi meken­de­ jasyrynyp úlgeredi. Ishki is­ter mınıstrliginiń polısııa depar­ta­menti jergilikti atqarýshy organ­dar ornalastyrǵan suryp­taý­ pýnkti aýdanyna beıbit tur­ǵyn­dardy evakýasııalaýdy uıym­dastyrdy. Muqııat tekserý­den keıin evakýasııalanǵan adamdar­dy ýaqytsha ustaý pýnk­ti­ne alyp baryp, ol jerde olar­ǵa alǵashqy medısınalyq jáne psıhologııalyq kómek kór­se­ti­lip,­ birinshi kezektegi qajetti zat­tar berildi. Desanttyq-shabýyl­daý bólimsheleri artıllerııa­ men armııalyq, maıdandyq avıa­sııanyń qoldaýymen eldi­ mekendi qorshaýǵa alyp, qar­sy­lastyń atys núkteleri men beki­nis­terin joıdy. Ulttyq ulan bólim­sheleri qarý-jaraqty izdeý men­ kentti tazartý tapsyrmalaryn­ oryndady.

– Bul oqý-jattyǵýlardyń bir­qatar ereksheligi bar. Onyń ishin­de­ basqa da áskerlermen jáne ás­kerı quralymdarmen ózara is-qı­myl­da jaýyngerlik mindetterdi she­shý, áskerı bólimderdiń ózin-ózi qamtamasyz etý jáne der­bes­tik deńgeıin tekserý, sondaı-aq­ qazirgi zamanǵy qarýly qaq­ty­ǵys­tardyń tájirıbesin eskere­ otyryp, jaýyngerlik is-qı­myl­dardy júrgizý nysandary men­ tásilderin jetildirý bar, – dep atap ótti shtab bastyǵy, Desanttyq-shabýyldaý áskerleri qolbasshysynyń birinshi orynbasary, polkovnık Almas Isabekov.

Onyń aıtýynsha, jattyǵýdyń maq­saty – gıbrıdti qaýip-qater jaǵ­daıynda áreket etýge, ár­túrli proksı-kúshterge qarsy turý­ǵa daıyndyq jasaý. Jalpy, jat­ty­ǵýǵa 2000-nan astam áskerı qyz­met­shi men myń jarymnan asa qar­ý-jaraq pen áskerı tehnıka, onyń ishinde armııalyq, áskerı-kólik­tik, maıdandyq avıasııa jáne­ ushqyshsyz ushý apparattary­ qatysty.

Is-shara sońynda Qorǵanys mı­nıstri oqý núktelerinde boly­p, dalalyq basqarý pýnktin, teh­nı­kalyq jáne tyldyq qam­ta­ma­syz etýdiń jaı-kúıin, jeke quram­dy joǵary dáldiktegi qarý­ men ushqyshsyz ushý appa­rat­­tarynan qorǵaý sapasyn tek­ser­di. General-polkovnık Rýslan Jaq­sy­lyqov Desanttyq-shabýyldaý ásker­leri men basqa da qorǵanys bólim­she­le­riniń quraldary men tehnıkasyn­ qarap shyqty. Sondaı-aq mınıs­tr­ge jaýyngerlik tehnıkalar le­gin shartty qarsylastyq barlaý­ júrgizip, soqqy beretin ush­qysh­­syz ushý apparattarynan búr­ke­me­leý­diń tıimdi ádisteri kórsetildi.

Jetisý oblysy