Kollajdy jasaǵan Záýresh SMAǴUL, «EQ»
Al atalǵan aıdyń sońǵy aptasynda baǵa kartopqa 0,7 paıyzǵa, pııazǵa 0,3 paıyzǵa, aq qyryqqabatqa 0,1 paıyzǵa, qaraqumyq jarmasyna 1,3 paıyzǵa, kúnbaǵys maıyna 1,1 paıyzǵa jáne túıirshiktelgen qant 0,8 paıyzǵa tómendegen. О́kinishtisi birinshi surypty bıdaı uny jáne odan jasalǵan nan, taýyq eti, al maılylyǵy 2,5 paıyz bolatyn pasterlengen sút sııaqty áleýmettik mańyzy bar ónimderdiń quny ózgerissiz qaldy.
О́tken jyldyń osy kezeńimen salystyra qarasaq, kórinis múldem basqasha boldy. Máselen, byltyrǵy osy aıdyń sońǵy aptasynda kartop birden 2,6 paıyzǵa, al aı basynan beri – 15 paıyzǵa, sábiz – 3,9 paıyzǵa qymbattady. Aı basynan eseptegende 14,7 paıyzǵa, al pııaz – aptasyna 12,2 paıyzǵa, aı basynan qarasaq 32,2 paıyzǵa baǵasy kóterilgen. Qant naýryzdyń sońǵy aptasynda 1 paıyzǵa, al aı basynan eseptesek 35 paıyzǵa bir-aq qymbattapty.
Osylaısha, bıylǵy naýryz byltyrǵymen salystyrǵanda óte jaqsy oń úrdisti kórsetip otyr. О́ńirlerdegi turaqtandyrý qorlarynan kókónisterdi eseppen shyǵarý is-sharasy úkimettiń aldaǵy maýsymaralyq kezeńderdegi atqarylatyn jumystaryna oń nátıje berip jatyr. Esterińizge sala keteıik, Premer-mınıstrdiń orynbasary – Saýda jáne ıntegrasııa mınıstri Serik Jumanǵarın aqpan aıynda kókónisterge taýarlyq ıntervensııalar jáne NWFP baǵasyn turaqtandyrýǵa baǵyttalǵan basqa da is-sharalar bastalǵanyn aıtqan edi. Sondaı-aq, qant ónerkásibine de qoldaý kórsetetinin málimdegen bolatyn. О́tken naýryz aıyna qarasaq, atalǵan ıgi is-sharalardyń nátıjesi anyq kórinip tur.
Tutastaı alǵanda, 2023 jyldyń 1-28 naýryzy aralyǵyndaǵy, ıaǵnı tórt apta ishinde NWFP baǵasy 0,4 paıyzǵa ósti. Aıdyń sońǵy aptasynda kórsetkish 0,1 paıyzben is júzinde ózgerissiz qaldy. Salystyrý úshin: ótken jyldyń naýryz aıynda azyq-túlik baǵasy birden 9,1 paıyzǵa ósken bolatyn.
Respýblıkanyń megapolısteri men oblys ortalyqtarynda jaǵdaı kelesideı: naýryzdyń sońǵy aptasynda Atyraý men Oralda baǵa 0,1 paıyzǵa tómendedi. Al Astana, Aqtóbe, Atyraý, Qostanaı, О́skemen, Petropavl jáne Taldyqorǵan qalalarynda baǵa ózgerissiz qaldy. Bir qyzyǵy, jalpy baǵanyń tómendeýi baıqalǵan óńirlerdiń qatarynda Mańǵystaý oblysy da bar. Kári túbekte buǵan deıin azyq-túlik baǵasy tek qana kóterile beretin edi ǵoı.
Atap aıtqanda, bir aptadan beri kartop Aqtaý, Aqtóbe, Atyraý, Jezqazǵan, Kókshetaý, Qaraǵandy, Qonaev, Qostanaı jáne Qyzylorda qalalarynda arzandady. Pııaz baǵasy Astana, Jezqazǵan, Qostanaı, Qyzylorda, Oral jáne Túrkistanda, qyryqqabat Astana, Aqtóbe, Jezqazǵan, Qonaev jáne Qyzylorda qalalarynda tómendedi.
Jalpy qaraǵanda azyq-túlik segmentindegi baǵanyń túpkilikti ósýine TASQ quny boıynsha oń jaǵdaı áser etti: osylaısha, azyq-túlik taýarlary baǵasynyń ósýi naýryzda aqpandaǵy 1,5 paıyzǵa jáne qańtardaǵy 1,4 paıyzǵa qarsy 1,1 paıyzdy qurady.
Osynyń báriniń nátıjesinde naýryzda aı saıynǵy negizgi ınflıasııa 0,9 paıyzdy qurady. Bul 2022 jyldyń aqpan aıynan beri (bir jyldan astam) aılyq tutyný baǵasynyń eń tómengi ósimi.
Bárimizdi qýantyp otyrǵany jyldyq ınflıasııa qarqyny aıtarlyqtaı tómendedi: aqpandaǵy 21,3 paıyzǵa jáne qańtardaǵy 20,7 paıyzǵa qarsy bıylǵy jyldyń naýryzynda 18,1 paıyzǵa deıin báseńdedi.
Aıta keteıik, Premer-mınıstr Álıhan Smaıylovtyń naýryzda Qazaqstanda ınflıasııa tómendeı bastaıdy degen boljamy shyndyqqa aınaldy. Úkimet basshysy sózin dál osy jyldyń qańtar aıynda aıtqan bolatyn.
