Aıbek Smadııarovtyń aıtýynsha, Qazaqstan árqashan dinaralyq dıalogtyń toleranttylyǵy men nyǵaıýyn jaqtaıdy jáne BUU Qaýipsizdik Keńesiniń qararlaryna sáıkes Taıaý Shyǵys máselesin beıbit jolmen retteýge baǵyttalǵan halyqaralyq qoǵamdastyqtyń kúsh-jigerin berik qoldaıdy.
«Qazaqstan qasıetti «Ál-Aqsa» meshitinde musylmandarǵa shabýyl jasalýyna baılanysty Taıaý Shyǵystaǵy shıelenistiń órshýine qatysty óziniń alańdaýshylyǵyn bildiredi», dep atap ótti ol brıfıng barysynda.
SIM resmı ókili atap ótkendeı, taraptar ustamdylyq tanytyp, zorlyq-zombylyqqa jáne ahýaldyń odan ári ýshyǵýyna ákeletin qadamdardan bas tartýy kerek.
«Bul rette statýs-kvo saqtaýdy mańyzdy dep sanaımyz. Qasıetti Ramazan aıy men Pesah meıramy kezeńinde saıası, dinı jáne qoǵamdyq kóshbasshylar bul shıelenisti azaıtýǵa bar kúshin salady dep úmittenemiz. Qazaqstan árdaıym toleranttyq jáne dinder arasyndaǵy dıalogty nyǵaıtýǵa shaqyra otyryp, Birikken Ulttar Uıymy Qaýipsizdik Keńesiniń qararlaryna sáıkes Taıaý Shyǵys máselesin beıbit jolmen sheshýge baǵyttalǵan halyqaralyq qoǵamdastyqtyń kúsh-jigerin qoldaıdy», dep túıindedi Aıbek Smadııarov.
Buǵan deıin Izraıldiń qaýipsizdik kúshteri Ál-Aqsa meshitiniń namaz zalyna kirip, palestınalyqtarǵa shabýyl jasaǵany habarlanǵan edi. Oqıǵa saldarynan ondaǵan adam zardap shekti.
